Memlekettik kolledjderdiń 100 paıyzy kásiporyndardyń qamqorlyǵyna alyndy
«Prezıdenttiń tapsyrmasyna sáıkes óńir ákimdikterimen birlesip, kásiporyndardyń ótinimderi boıynsha kadrlardy maqsatty daıarlaýdy engizýdi qolǵa aldyq. Mundaı granttyń basty aıyrmashylyǵy – memleket tegin maman daıyndap beredi, al kásiporyndar jumysqa ornalastyrý mindettemesin alady. 10 myń arnaıy grant alǵashqy ret bólindi. Kadrlardyń sapasyn arttyrý úshin kolledjderge jumys berýshilermen birlesip, bilim berý baǵdarlamalary men oqý merzimderin ózgertýge akademııalyq derbestik berildi. Memlekettik kolledjder 100 paıyz kásiporyndardyń qamqorlyǵyna alyndy», - dedi mınıstr.
Onyń atap ótýinshe, kolledjderge oqýǵa túsýge birqatar jańashyldyqtar engizildi. Mamandyq tańdaýda oqýǵa túsýshilerge kásibı dıagnostıkany engizdik, nátıjesinde talapkerler mamandyq tańdaý boıynsha usynystar alady. Stýdentter arasynda memlekettik tapsyrysty bólý protsesi avtomattandyryldy. Qabyldaý emtıhandary alynyp tastaldy. Talapker bir degende 1-den 3-ke deıin biliktilikti meńgerýge múmkindik aldy.
«Memlekettiń úlken qoldaýymen «Jas maman» jobasy boıynsha 180 kolledj zamanaýı laboratorııalarmen jabdyqtaldy, olardyń oqý baǵdarlamalary da jańartylyp, sapaly kadr daıarlaýǵa jańa serpin berildi», - dedi ol.
