Memlekettik qoldaýǵa ıe bolatyn jobalardy irikteý ashyq ótýi tıis - Prezıdent

ASTANA. QazAqparat – Úkimet orta bıznesti damytýdyń tyń tásilderin ázirleýi kerek. Bul týraly VIII saılanǵan QR Parlamentiniń birinshi sessııasynyń otyrysynda Memleket basshysy Qasym-Jomart Toqaev málim etti, dep habarlaıdy QazAqparat tilshisi.

«Eń bastysy, memlekettik qoldaýǵa ıe bolatyn jobalardy irikteý ashyq ótýge tıis. Jobanyń naqty áleýmettik-ekonomıkalyq tıimdiligin eskerý qajet», - dedi Qasym-Jomart Toqaev.

Osy oraıda Prezıdent Úkimetke depýtattarmen birlesip, orta bıznesti damytýdyń tyń tásilderin ázirleýdi tapsyrdy.

«Óıtkeni, orta bıznes el ekonomıkasyn damytý isinde basty ról atqarady. Bul másele meniń jeke baqylaýymda bolady», - dedi Memleket basshysy.

Budan buryn habarlanǵandaı, Qasym-Jomart Toqaev Prezıdent retinde kásipkerlerge memleket tarapynan qoldaý kórsetiletinine kepildik beretinin aıtty.