Memlekettik qoldaý kórsetiletin iri kompanııalardyń tizimi jasalýda
NUR-SULTAN. QazAqparat - Memlekettik qoldaý kórsetiletin iri kompanııalardyń tizimi jasalyp jatyr. Bul týraly QR Prezıdenti Qasym-Jomart Toqaevtyń málimdemesinde aıtylǵan, dep habarlaıdy QazAqparat tilshisi.
«Búginde shaǵyn jáne orta bıznes kúrdeli jaǵdaıǵa tap boldy. Osy salaǵa qazir kómektespesek, ekonomıkany qalpyna keltire almaımyz. 700 myńnan astam kompanııa men jeke kásipkerge salyqtyq jeńildikter jasaldy. Sol arqyly olar 1 trıllıon teńgege jýyq qarjyny únemdeı alady. Shaǵyn jáne orta bızneske tıimdi nesıe berý úshin qarajat bólindi», - dedi QR Prezıdenti.
Memleket basshysynyń atap ótýinshe, jumysshy sanyn jáne eńbekaqy kólemin azaıtpaý maqsatynda iri kompanııalarǵa tıisti qoldaý kórsetiledi.
«Qazir olardyń tizimi jasalýda. Oǵan el ekonomıkasy úshin asa mańyzdy kompanııalar ǵana engiziledi»,- dedi Qasym-Jomart Toqaev.
