Memlekettik kirister salasyndaǵy 14 mln qyzmet elektrondyq tásilmen kórsetilgen
«2019 jyldyń 9 aıynda «ASTANA-1» júıesinde 349 934 taýar deklaratsııasy shyǵaryldy, ótken jyldyń sáıkes kezeńimen salystyrǵanda ósim 13 paıyzdy qurady. Jalpy salmaǵy 172,4 mln tonna taýarlardyń statıstıkalyq quny 104,7 mlrd AQSh dollaryn qamtydy. «Jasyl» jáne «kók» dálizdiń úles salmaǵy 72 paıyzdy, sondaı-aq «sary» dáliz arqyly taýar shyǵarý 16,1 paıyzdy, «qyzyl» dálizde 11,9 paıyzdy qurady», - delingen komıtet málimetinde.
Memlekettik kiris organdary birqatar zańbuzýshylyqtardy aktsızdeletin ónimderdi satý salasynda anyqtaǵan. Osy oraıda 2019 jyly zańsyz alkogol ónimideri, zańsyz munaı ónimderi, sondaı-aq aınalymnan zańsyz ákelingen temeki tárkilendi.
«Memlekettik kirister komıteti kórsetiletin memlekettik qyzmetterdi josparly avtomattandyrý jáne ońtaılandyrý boıynsha jumys júrgizip jatqanyn atap ótý qajet. Kórsetiletin memlekettik qyzmetterdiń bıyldyń sońyna deıin 80 paıyzyn, al 2020 jyly 90 paıyzyn elektrondyq formatqa aýystyrý josparlanyp otyr. Memlekettik qyzmetterdi elektrondyq formatqa kóshirý birinshi kezekte salyq tóleýshilermen baılanysty azaıtady, adam faktoryn boldyrmaıdy jáne memlekettik qyzmetterdi kórsetý merzimderine qashyqtyqtan baqylaýdy júzege asyrýǵa múmkindik beredi. Memlekettik kiris organdary kórsetetin 45 memlekettik qyzmettiń 34-i avtomattandyryldy (75%).
Jalpy, 2019 jyldyń 9 aıynyń qorytyndysy boıynsha respýblıka boıynsha 16,5 mln qyzmet kórsetilgen, onyń ishinde 90,6 paıyzy nemese 14,9 mln qyzmet elektrondyq tásilmen kórsetilgen», - deıdi Komıtet.
