Memlekettik kirister organdary bıylǵy 10 aıda 14 mıllıonǵa jýyq qyzmet kórsetti - N.Rahymǵalıev
ASTANA. QazAqparat - Memlekettik kirister organdary aǵymdaǵy jyldyń 10 aıynda 14 mıllıonǵa jýyq memlekettik qyzmet kórsetti. Bul týraly búgin QR QM Memlekettik kirister komıteti Memlekettik qyzmet kórsetý basqarmasynyń bastyǵy Nurlan Rahymǵalıev málim etti.
«Memlekettik kirister organdary 2015 jyldyń 10 aıy ishinde 13 816 130 memlekettik qyzmetti kórsetti, onyń ishinde elektrondyq túrdegi qyzmetter - 11 141 238-di, qaǵaz túrindegiler - 2 674 892-ni qurady», - dedi ol.
Onyń aıtýynsha, 2015 jylǵy qańtardan bastap «Ortalyqtandyrylǵan birizdendirilgen jeke shottar» aqparattyq júıesi engizilgen. Atalǵan júıeni engizý jeke shottardyń júrgizýin esepke alý boıynsha bıznes-úrdisti ońaılatýǵa múmkindik berip otyr. Munan bólek, atalǵan júıeni engizý aıasynda aǵymdaǵy jylǵy shildede salyqtyq jáne kedendik tólemder boıynsha bıýdjettik synyptama kodtaryna qysqartýlar júrgizildi.
208 bıýdjettik synyptama kodtarynyń 119-y nemese 57 paıyzdan astamy qysqartyldy. Ony qysqartý barlyq memlekettik organdardyń jumysyn eleýli ońtaılandyrýǵa, aqparattyq júıelerdegi júktemeni tómendetýge múmkindik berdi. 2015 jylǵy shilde-qazan kezeńi ishindegi nátıjede ótken jyldyń sáıkes kezeńimen salystyrǵanda tólemderdiń sany 10,0 mln.-nan 8,0 mln.-ǵa deıin nemese 20 paıyzǵa qysqartyldy», - dedi ol.
