Memlekettik kirister komıtetiniń qyzmetkerleri 8 para berý faktisiniń jolyn kesti
Atalǵan komıtet məlimetinshe, zańsyz oıyn bıznesi salasynda tergelip jatqan qylmystyq iske kómekteskeni úshin ekonomıkalyq tergeý qyzmetiniń qyzmetkerlerin paraǵa satyp alýdyń 2 faktisiniń, anyqtalǵan salyq zańnamasyn buzýshylyq boıynsha ákimshilik jaýapqa tartpaǵany úshin salyq qyzmetkerlerine 3 para berý faktisiniń, taǵy júrgiziletin tekserýler boıynsha oń sheshim qabyldaǵany úshin - 2 faktiniń jáne salyq beresheginiń joqtyǵy týraly anyqtamany usynǵany úshin - 1 faktiniń aldy aldy.
Mysaly, aǵymdaǵy jyldyń qańtar aıynda Qyzylorda oblystyq memlekettik kirister departamenti ІQB qyzmetkerleri «Ý» degen azamatty ustady. Ol tergelip jatqan qylmystyq iske kómekteskeni jáne oń sheshim qabyldaǵany úshin departamenttiń ekonomıkalyq tergeý qyzmetiniń tergeýshisine 1 mıllıon teńge somasynda para bermek bolǵan.
Qyzylorda qalalyq №2 sotynyń úkimimen ol kináli dep tanylyp, 2 jylǵa deıin bas bostandyǵyn shekteý, ómir boıy memlekettik organdarda naqty laýazymdarǵa ornalasý quqyǵynan aıyrý jáne 100 saǵat yqtııarsyz jumys túrindegi jaza taǵaıyndaldy.
Aǵymdaǵy jyldyń mamyr aıynda Ońtústik Qazaqstan oblystyq MKD ІQB qyzmetkerleri júrgizilip jatqan salyqtyq tekserý boıynsha oń sheshim qabyldaýy úshin departament mamanyn 1 mıllıon teńge paraǵa satyp almaq bolǵan jeke kásipkerdi, sondaı-aq ony qylmys jasaýǵa ıtermelegen «M» degen azamatty ustady.
Josyqsyz kásipkerlerdiń memlekettik kirister organdary qyzmetkerlerine para berý boıynsha osyndaı faktiler Almaty qalasynda jáne oblysynda joly kesildi.
Aıta keteıik, QR Qylmystyq kodeksiniń 367-babyna sáıkes laýazymdy tulǵaǵa para berý jazalanatyn qylmystyq áreket sanalady. Ol úshin múlki tárkilenip 15 jylǵa deıin bas bostandyǵyn shekteý túrinde qylmystyq jaýapkershilik kózdelgen.
