Memlekettik kirister komıteti ulttyq kompanııalardan 187 qylmys anyqtady
ASTANA. QazAqparat - Memlekettik kirister komıteti ulttyq kompanııalardan 187 qylmys anyqtady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Qarjy mınıstrligi Memlekettik kirister komıtetiniń tóraǵasy Dáýlet Erǵojın málim etti.
«Biz kvazımemlekettik sektordan 187 qylmys anyqtadyq. Ulttyq qor jelisi boıynsha 8,5 mlrd. teńge somasyndaǵy shyǵyndy memleketke qaıtardyq», - dedi D.Erǵojın.
Sonymen qatar, ol komıtettiń Ekonomıkalyq tergeý qyzmeti memlekettik shekara arqyly ótetin kontrabandalyq arnalardy anyqtaý baǵytyndaǵy jumystardy júrgizip jatqanyn atap ótti.
«Máselen, bir qylmystyq is boıynsha tergeý amaldary aıaqtalýǵa jaqyn. Atalǵan qylmystyq is boıynsha Qytaıdan maqta talshyqtary ákelinip, óńdep, daıyn ónim jasalýy tıis bolǵan. Buǵan qosa, kedendik salyq tólenbegen. Al is júzinde eshqandaı da maqta jetkizilmegen. Halyq tutynatyn taýarlar ákelingen. Shyǵyn kólemi shamamen 500 mln. teńgege jýyqtaıdy», - dedi D.Erǵojın.
