Memlekettik kirister komıteti taǵy da avtomobıl utysyn ótkizedi

Bul týraly jýrnalıster men blogerlerge MKK-de ótken brıfıngte vedomstvonyń jańa resmı ókili Murat Jumanbaı habarlady.

Ótken jyly «Atameken» UKP-nyń qoldaýymen memlekettik kirister komıteti respýblıka aýmaǵynda «Chekti talap etip, júlde utyp al» atty aktsııasyn ótkizgen. Onyń aıasynda 200-den asa júlde oınatyldy. Bas júldege Chevrolet avtokóligi utysqa salynǵan bolatyn.   

Aktsııa sharty boıynsha, azamattar satyp alǵan taýar, qyzmet nemese jumys boıynsha fıskaldy chekterdi memlekettik kiris organdaryna tapsyrýlary tıis. Byltyr respýblıka boıynsha aktsııaǵa 2 mln-nan asa adam qatysyp, 10 mln-nan asa chek qabyldanǵan.

Nátıjesinde zańnan tys jumys istep kelgen 9 myńnan asa jeke kásipker salyqtyq tirkeýge qoıyldy, 8 myńnan astam baqylaý kassalyq apparattar tirkeldi.

M.Jumanbaı, qazaqstandyqtar ózderiniń belsendi áreketi arqyly kóleńkeli ekonomıka kóleminiń azaıýyna jáne kásipkerler arasynda adal básekelestiktiń damýyna óz úlesterin qosqandyǵyn atap ótti.

«Aǵymdaǵy jylǵy 1 qazanda «Atameken» UKP-nyń qoldaýymen MKK «Chekti talap etip, júlde utyp al» aktsııasyn bastaıdy. Onyń maqsaty azamattardyń tovar, jumys jáne qyzmet tutynýshysy retindegi óz múddelerin qorǵaý boıynsha quqyqtyq mádenıetin qalyptastyrý», - deıdi ol.

M.Jumanbaıdyń aıtýynsha ótken jylǵy aktsııa árbir aımaqta túrli tásildermen ótkizilgen. Bir jerde chekter WhatsApp qosymshasy arqyly qabyldansa, endi bir jerde qaǵaz lotereıa bıletterine aýystyrylyp, jeńimpazdar loterelyq baraban arqyly anyqtaldy.

«Sondyqtan osy jylǵy aktsııa «Atameken» Ulttyq Kásipkerler Palatasynyń qarjylyq qoldaýymen elektrondyq formatta «Wipon» mobıldi qosymshasy  arqyly ótkiziledi», - dep eske saldy M.Jumanbaı.

Otandyq mamandar daıyndaǵan bul qosymshany aqysyz kóshirip alyp, smartfondardyń barlyq túrleri men basqa da gadjetterde paıdalanýǵa bolady.

Aktsııaǵa ózderi tutynǵan taýar, jumys nemese qyzmet úshin berilgen fıskaldy chektiń fotosyn jibergen Qazaqstan Respýblıkasynyń azamattary qatysa alady. Eger fıskaldy chek berilmegen jaǵdaıda, azamattar bul buzýshylyqtardy kórsetip shaǵym jibere alady.

Іs-shara aǵymdaǵy jylǵy 1 qazan men 15 jeltoqsan aralyǵynda ótkiziledi. Osy kezeńde barlyq oblystar men Astana jáne Almaty qalalarynda aı saıyn júldeler utysy ótedi. 

Fınal jyldyń aıaǵynda Memlekettik kirister komıtetinde bolady. Onda baǵaly júldeler, onyń ishinde bas júlde - avtokólik utysqa salynady. Júldelerdi otandyq bıznesmender usynyp otyr. Utys jeńimpazdary chekti kezdeısoq tańdaý ádisimen anyqtalatyn bolady. Qanshalyqty kóp chek jiberilse, júldeni utyp alý múmkindigi de sonshalyqty óse túsedi. Qaıtalanyp jiberligen chekter utysqa qatyspaıdy.

«Jeńimpazdardy anyqtaý úrdisiniń ashyqtyǵy men obektıvtiligin qamtamasyz etý úshin árbir oblys pen Astana jáne Almaty qalalarynda, sondaı-aq Memlekettik kirister komıtetiniń janynda quramyna kásipkerler qaýymdastyǵy, úkimettik emes uıymdar men buqaralyq aqparat quraldarynyń ókilderi kiretin komıssııalar qurylady», - dep túıindedi resmı ókil.