Memlekettik kirister komıteti: «Ekonomıkalyq buzýshylyqqa nóldik tózimdilik» baǵdarlamasy qabyldandy
ASTANA. QazAqparat - Qazaqstan Respýblıkasy Qarjy mınıstrligi Memlekettik kirister komıteti 2015-2017 jyldarǵa arnalǵan Qazaqstan Respýblıkasynyń memlekettik kiris organdaryn damytý perspektıvalary úlgisin aıqyndady.
Atalǵan úlgige sáıkes «kóleńkeli» ekonomıkany barynsha azaıtý boıynsha tıimdi sharalardy qabyldaý Komıtet jumysynyń negizgi basymdyqtary bolyp tabylady. Osy maqsatqa qol jetkizý úshin Komıtet «Ekonomıkalyq buzýshylyqqa nóldik tózimdilik» baǵdarlamasyn bekitti. Bul týraly komıtettiń baspasóz qyzmetinen habarlandy.
Baǵdarlamanyń birinshi kezeńinde baqylaý-profılaktıkalyq is-sharalar Almaty qalasy men Almaty oblysynda bastalyp, bul keıin Qazaqstannyń barlyq oblysynda jalǵasady. Atalǵan is-sharalar sheńberinde kásipkerlik qyzmetpen tıisti terkeýsiz aınalysýdyń 6 137 jaǵdaıy anyqtalyp, 5 566 salyq tóleýshi jeke kásipker retinde esepke qoıyldy.
Baǵdarlamanyń ekinshi kezeńi jalǵan kásipkerlikke qarsy kúres bolyp tabylady. Pılottyq rejimdegi baǵdarlamanyń jumysy tek Qazaqstan astanasynda «Astana-nóldik tózimdilik qalasy» degen uranmen jaqsy nátıjeler kórsetken. Máselen, zańsyz aqsha qarajatyn qolma-qolǵa aınaldyrýmen aınalysqan 12 qylmystyq top anyqtalyp, onyń 3-ýi joıylǵan. Respýblıka boıynsha qarajatty qolma-qol aqshaǵa aınaldyrý ústinde jáne 9 mlrd.teńgege jýyq somaǵa jalǵan shot-faktýrany berý kezinde 50-den astam faktiler anyqtalǵan.
«Ekonomıkalyq tergeý qyzmetiniń taldaýshylary júrgizgen jumystyń netıjeleri negizinde jalǵan kásipkerlik jáne qaskúnemderdiń zańsyz qolma-qol aqshaǵa aınaldyrýy boıynsha tyń tásilder men ádister qoldanylady. Taldamalyq toptyń qorytyndylary nóldik tózimdilik baǵdarlamasy men sybaılas jemqorlyq kórinisten ózinen-ózi tazarý baǵdarlamasyn úılestirý úshin negiz bolǵan. Búgingi kúnge osy jumys óz nátıjesin berdi. Shyǵys Qazaqstan oblysynyń ekonomıkalyq tergeý qyzmeti qylmystyq top qurý kúdigi boıynsha bólim bastyǵy men memlekettik kirister basqarmasy basshylarynyń birin ustady. Quramynda memlekettik kirister basqarmasynyń eki jumysshysy jáne birqatar azamattar bar qylmystyq top aldyn ala derekter boıynsha memleketke 250 mln. teńgeden asa mólsherde zalal keltirgen. Atalǵan is sotqa deıingi tergep-tekserýdiń biryńǵaı tiziliminde tirkeldi, sondaı-aq atalǵan fakti boıynsha Komıtet qylmystyq tergeý taǵaıyndady», delingen baspasóz baıanynda.
Budan bólek, 30 qyrkúıekte Mańǵystaý oblysy boıynsha Memlekettik kirister komıtetiniń qyzmetkerleri kontragentterdi salyq salýdan alyp ketý maqsatynda aqsha qarajatyn qolma-qol aqshaǵa aınaldyrýmen aınalysqan Aqtaý qalasynyń turǵyndaryn ustaǵan bolatyn. Tergeý olardyń bireýi buryn oblystyq Memlekettik kirister deparlamentiniń salyq bólimshesinde basshy laýazymda jumys istegenin anyqtap otyr.
