Memlekettik kirister komıteti asabalar men ánshilerge salyq salýǵa qatysty túsinik berdi

NUR-SULTAN. QazAqparat - Ortalyq kommýnıkatsııalar qyzmetinde QR QM Memlekettik kirister komıtetiniń tóraǵasy Marat Sultanǵazıev asabalar men ánshilerdiń tabysyna salyq salýǵa qatysty túsinik berdi, dep habarlaıdy QazAqparat tilshisi.

Baspasóz máslıhatynda ánshiler men asabalar jeke kásipker retinde tirkelmegeni, alaıda olardyń tabysyna salyq tóletý qalaı retteletini suraldy.

«Salyq tóleý úshin olar aldymen salyq tirkeýine turýy kerek. Tirkeýge turǵyzý boıynsha jumys júrgizemiz, olarǵa hattamalardy berip, tirkeýge qoıamyz. Qazirgi kezde bul baǵyt mıkrobıznes bolǵannan keıin, osy sala tabys salyǵynan tolyq bosatylǵan», - dep túsindirdi M. Sultanǵazıev.