Memlekettik kirister komıteti 2015 jyly bıýdjetke 60 mlrd teńge óndirgen
ASTANA. QazAqparat - QR Qarjy mınıstrliginiń memlekettik kirister komıteti 2015 jyly memleket bıýdjetine 60 mlrd teńgeden astam shyǵyndy óndirip bergen. Bul týraly búgin komıtettiń resmı ókili Jambyl Suraǵanov málim etti.
«2015 jyly Komıtet jumysynyń arqasynda ekonomıkalyq tergeý qyzmeti 10 231 zań buzýshylyqty anyqtap, 4 407 isti qaraǵan, onyń ishinde 3 508 is sotqa jiberildi. Bıýdjetke kelgen 60 mlrd teńge kólemindegi shyǵyn qaıta óndirilip, ol memleketke mindetti áleýmettik tólemderin tóleýge múmkindik berdi»,-dep habarlady ol.
Onyń aıtýynsha, ekonomıkalyq tergeý qyzmeti 2014 jyldyń sońyna qaraı qurylǵan bolatyn. Qyzmetti qurýdaǵy maqsat - memleket pen bıznestiń ekonomıkalyq múddelerin qorǵaý bolsa, bir jaǵynan jónsiz tekserýlerdiń jolyn kesý, táýekelderdi basqarý júıesine aýysyp, tek óte kúrdeli jaǵdaılarda ǵana qylmystyq tergeý júrgizý.
«Ekonomıkalyq tergeý qyzmetiniń negizgi jumys baǵyty - kóleńkeli ekonomıka salasynda, ıaǵnı, salyq, keden, qarjy salalarynda quqyq buzýshylyqtardy tekserý», - dep atap ótti J.Suraǵanov.
