Memlekettik kirister departamentiniń ujymy Naýryz meıramyn atap ótti - Aqmola oblysy
Kóptegen ulttyń ókilderi qyzmet etetin departament ujymy jyl saıyn Naýryz meıramyn saltanatty jaǵdaıda atap ótýdi berik dástúrge aınaldyrǵan.
Bıylǵy Naýryz meıramyna da eńbek ujymy jaqsy daıyndyqpen kelgendigin kórsetti. Jınalǵan jurtshylyqty oblys ákiminiń birinshi orynbasary Dáýren Ádilbekov jáne departament basshysy Erlan Hasenov quttyqtap, jyly lebizderin bildirdi. Іzgi tilekter baıqaýmen jalǵasty. Eń úzdik ulttyq taǵam, ulttyq dástúr, án men bı nómirleri kópshiliktiń nazaryna usynyldy. Oblys ákiminiń orynbasary jetekshilik etken qazylar alqasy baıqaýǵa qatysýshylardyń ónerlerine baǵa berdi. Úzdikter qatarynan aýdıt jáne túsindirý jumystary, memlekettik qyzmet, boryshkerlermen jumys basqarmalary kórindi. «Qonaqjaı dastarhan», «Mýzykalyq sheberlik», «Ulttyq dástúrlerdi saqtaý» sııaqty nomınatsııalar boıynsha jeńimpazdar anyqtalyp, syı-sııapatqa ıe boldy.
Merekelik dastarhanmen, ulttyq dástúrmen jáne án-bımen órnektelgen Naýryz meıramy departament ujymy úshin este qalarlyqtaı bolyp ótti.
