Memlekettik kirister departamentiniń eks-sheneýnigi 100 myń dollar para alǵan dep kúdikteldi

NUR-CULTAN. QazAqparat – Jambyl oblysy boıynsha Memlekettik kirister departamenti basqarmasynyń burynǵy basshysy 100 myń dollar para alýǵa qatysty kúdikti boldy. Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«Sybaılas jemqorlyqqa qarsy qyzmet asa iri kólemde para alý faktisi boıynsha Jambyl oblysy boıynsha Memlekettik kirister departamenti basqarmasynyń burynǵy basshysyna qatysty qylmystyq isti tergeýdi aıaqtady. Ol salyq tekserýin ýaqytyly ári kedergisiz aıaqtaý, sondaı-aq basqa da kásiporyndardyń kommertsııalyq qyzmetin kedergisiz iske asyrýǵa múmkindik berý úshin 100 myń AQSh dollary somasynda para alý kúdigine ilikti», - dedi Danııar Bekaıdarov Antikor ortalyǵynda ótken brıfıngide.

Onyń aıtýynsha, sotqa deıingi tergeýdiń aıaqtalǵany jarııalanyp, qylmystyq istiń materıaldarymen tanysý júrgizilip jatyr.