Memlekettik kiris komıteti kedenshilerdiń burynǵy jalaqylaryn qalpyna keltirmek
ASTANA. QazAqparat - Memlekettik kiris komıteti kedenshilerdiń burynǵy jalaqylaryn qalpyna keltirmek. Bul týraly búgin QR Qarjy mınıstrliginiń Memlekettik kiris komıteti tóraǵasynyń orynbasary Ǵosman Ámrın málim etti
«Qoǵamnyń buǵan deıingi keden, salyq jáne qarjy polıtsııasy organdarynda jemqorlyq deńgeıiniń úlken bolǵandyǵyn aıtyp, únemi synaıtyndyǵy qupııa emes. Bul durys ta. Búginde bul qaýip saqtalyp otyr. Shynyn aıtqanda, máseleni biz san márte talqylaǵan bolatynbyz. Qazirgi ýaqytta Qaljat, Qorǵas, Maıqapshaǵaı jáne Baqty keden beketteriniń kedenshileri 50-60 myń teńge jalaqy alady. Sondyqtan da bul jaıttyń túbine boılap, saldaryn joıý qajet-aq», - dedi ol
Ǵ.Ámrınniń aıtýynsha, sol sebepti de qazirgi ýaqytta Memlekettik kiris komıteti kedenshilerdiń attestatsııadan ótkenge deıingi jalaqy deńgeılerin qaıtarýǵa baǵyttalǵan jumystardy júrgizip jatyr. Bul máseleni komıtet basshysy Dáýlet Erǵojın Úkimet deńgeıine kóterip, ol qoldaý tapqan.
