Memlekettik keńesshi QSZI Ǵylymı Keńesiniń otyrysyna qatysty

ASTANA. QazAqparat - Memlekettik keńesshi Erlan Qarın QR Prezıdenti janyndaǵy Qazaqstannyń strategııalyq zertteýler ınstıtýty Ǵylymı Keńesiniń qorytyndy otyrysyna qatysty, dep habarlaıdy QazAqparat Aqordanyń baspasóz qyzmetine silteme jasap.

Jıyn barysynda QSZI-diń dırektory Erkin Tuqymovtyń ınstıtýttyń 2022 jyly atqarǵan jumystarynyń qorytyndysy men 2023 jylǵa arnalǵan josparlaryna qatysty baıandamasy tyńdaldy.

Sonymen qatar QSZI dırektorynyń orynbasarlary S.Kóshkimbaev, A.Joldybalına, B.Ábenovalar ǵylymı mekemeniń qyzmetindegi negizgi máseleler men maqsat-mindetteri jaıynda esep berdi.

Memlekettik keńesshi óz sózinde QSZI memlekettik saıasattyń strategııalyq baǵyttaryn saraptamalyq turǵydan súıemeldeýde mańyzdy mıssııa atqaryp kele jatqanyn atap ótti.

Erlan Qarın QSZI óziniń kadrlyq áleýetin aldaǵy ýaqytta da arttyra berýi, aımaqtaǵy sarapshylar qaýymdastyǵymen qarym-qatynasty bekite túsýi, zertteý tásilderin jetildirýi, onyń ishinde áleýmettik zertteýlerdi keńeıtýi qajet ekenin aıtty.

Foto: akorda.kz