Memlekettik kásiporyndardyń úlken bóligi taratylýy tıis - M. Esenbaev
ASTANA. 6 maýsym. QazAqparat /Qanat Mámetqazyuly/ -Memlekettik kásiporyndardyń úlken bóligi taratylýy tıis.
Bul týraly búgin «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda Básekelestikti qorǵaý jónindegi agenttiginiń tóraǵasy Májıt Esenbaev málim etti.
«Vedomstvoaralyq komıssııa memlekettik kásiporyndardy ońtaılandyrý, qaıta qurylymdaý jáne taratý máseleleri boıynsha usynystaryn engizetin bolady. Bul shara óz kezeginde mıllıardtaǵan memleket qarajattaryn únemdeýge septigin tıgizedi», - deıdi M.Esenbaev. Onyń aıtýynsha, búgingi kúni kóptegen memlekettik kásiporyndardyń jumysy tıimsiz, sondyqtan da olardyń fýnktsııalaryn básekelestik ortaǵa bergen ońtaıly.
Esterińizge sala keteıik, zań jobasyna sáıkes memlekettik monopolııa túrlerin qysqartý usynylady. Al bul shara óz kezeginde memlekettik kásiporyndardyń qyzmetin tártipke keltirýge, qyzmettiń beıindi emes túrlerin básekeles ortaǵa berý jáne memlekettiń ekonomıkaǵa aralasýyn azaıtý týraly Memleket basshysynyń tapsyrmasyn oryndaýǵa múmkindik beredi.
