Memlekettik qaryz 2020 jylǵa qaraı JІÓ-niń 22 paıyzynan aspaýy kerek - E. Dosaev
ASTANA. QazAqparat - Memlekettik qaryz ben kvazımemlekettik sektor qaryzy 2020 jylǵa qaraı Jalpy ishki ónimniń 22 paıyzynan aspaýy kerek. Bul Ulttyq qorda jınaqtalatyn qarajattyń memleket qaryzyn salystyrmaly túrde asyp túsýin qamtamasyz etetin bolady. Búgin Parlament Senatynda ótip jatqan Úkimet saǵatynda Ekonomıka jáne bıýdjettik josparlaý mınıstri Erbolat Dosaev osylaı málimdedi.
Mınıstrdiń aıtýynsha, 2020 jylǵa qaraı memlekettik bıýdjet tapshylyǵyn JІÓ-ge 1,4 paıyzǵa deıin tómendetý josparlanady. Munyń ózi memlekettik qaryzdy eń tómengi deńgeıde ustap turýdy qamtamasyz etedi.
«Bul rette Ulttyq qor qarajaty shekteýli mólsherde ǵana paıdalanylatyn bolady ári munaı tabystaryn saqtaý saıasatyn jalǵastyrý qamtamasyz etiledi. Al Ulttyq qor qarajatyn paıdalanýdyń tıimdiligin arttyrý jáne onyń jınaq fýnktsııasyn kúsheıtý úshin Qordaǵy tómendetilmeıtin qaldyq qarajat JІÓ-niń 30 paıyzyna teń bolyp otyrýy kerek», - dedi E. Dosaev.
