Memlekettik kameralyq orkestrdiń qurylǵanyna 20 jyl toldy
ASTANA. 7 aqpan. QazAqparat - «Solıster akademııasy» memlekettik kameralyq orkestri qurylǵanyna 20 jyl tolýyna oraı merekelik kontsert berdi.
Shara Qazaq ulttyq óner ýnıversıtetinde ótti.
QR Mádenıet mınıstrliginiń málimetine qaraǵanda, bul memlekettik orkestr 1991 jyly ujymnyń kórkemdik jetekshisi Qazaqstannyń halyq ártisi Aıman Musaqojaevanyń muryndyq bolýymen dúnıege kelgen edi. Al 1993 jyly Úkimet qaýlysymen memlekettik kameralyq orkestr mártebesine ıe boldy. Osy jyldarda orkestr álemniń ataqty sahnalarynda óner kórsetip, qazaq eliniń atyn asqaqtatty. Óner ujymy kontsertte otandyq kompozıtorlardyń shyǵarmalaryn jáne álemdik klassıkalyq týyndylardy oryndady.
