Memlekettik hatshynyń tóraǵalyǵymen Vedomstvolyq nagradalar jónindegi geraldıkalyq komıssııanyń otyrysy ótti
«Qazaqstandyqtardyń ýaqyttyń syn qaterine laıyqty jaýap bere alatyn jańa urpaǵyn tárbıeleýde moraldyq jáne materıaldyq kótermeleý isi mańyzdy ról atqarady. Nagradalar adam boıyndaǵy eńbekqorlyq, tabandylyq qasıetterin tutastaı aıqyndaýy tıis. Sondaı-aq, ekonomıka, mádenıet, ǵylym jáne óner sııaqty salalardy nyǵaıtý men damytýǵa qosqan jeke úles salmaǵynyń jan-jaqty kórsetkishi bolýy kerek. Sondyqtan da vedomstvolyq nagradalardyń meıilinshe áleýmettik máni bar. Jáne bul máselege biz barynsha baıyptylyqpen qaraýǵa tıispiz»,-dedi otyrystyń ashylýynda Memlekettik hatshy.
Otyrysta Táýelsiz Qazaqstannyń serpindi damýy barlyq salada bolyp jatqan ózgeristerdiń ulttyq quqyqqa saı bolýyn talap etetini atap ótildi. Osyǵan oraı, quqyqtyq normany qoldaný qyzmetin, onyń ishinde geraldıka salasyn odan ári jetildirý qajettigi týyp otyr.
Vedomstvolyq nagradalar ataýlarynyń durys qoldanylmaýyn ári tildik normalarǵa saı kelmeýin retteý, olardyń dızaınyndaǵy kemshilikterdi joıý máselesine barynsha nazar aýdaryldy.
Otyrys qorytyndysynda tıisti qurylymdarǵa usynystar men naqty tapsyrmalar berildi.
