Memlekettik hatshy ulttyq tarıhqa qatysty taıaý bolashaqtaǵy jumystardyń basymdyqtaryn atady

ASTANA. 5 maýsym. QazAqparat - Búgin elordadaǵy Eýrazııa ulttyq ýnıversıtetinde Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda QR Memlekettik hatshysy Marat Tájın taıaý bolashaqtaǵy jumysty basymdyqtaryn atap ótti.

«Jańa tarıh máseleleri boıynsha zertteýlerdiń taqyryptyq aıasyn keńeıtý kerek. Olardyń arasynda bizdiń memleketimiz ben qoǵamymyzdyń ótpeli kezeńiniń kózge túser ereksheligi retindegi úsh eselengen tranzıt; memlekettik menedjment pen strategııalyq basqarý júıesi; memlekettik qurylystyń júrip ótken ár belesindegi áleýmettik-saıası úderister; qoǵamnyń jańa áleýmettik qurylymy; jahandanýdyń ulttyq mádenıetke yqpaly jáne basqa da kókeıkesti taqyryptardy bóle aıtýǵa bolady», - dedi Memlekettik hatshy. Budan bólek, M. Tájın memlekettik qurylystyń qazaqstandyq modeli, Memleket basshysy tulǵasynyń ulttyq tarıhtyń jańa belesindegi róli ǵylymı turǵydan baısaldy paıymdaýdy qajet etetinin atap ótti. «Biz pánaralyq zertteýlerdi júzege asyrýda silkinis jasaýǵa tıispiz. Biz zertteýshilik quraldary men jumys tásilderin túbegeıli jańartýǵa: bolashaqqa baılanysty úrdisterdi aıqyndaý úshin tarıhı modeldeý men boljamdaý quraldaryn batyl qoldanýǵa tıispiz», - dedi M. Tájın.