Memlekettik hatshy Tóregeldi Sharmanovqa Beıbitshilik syılyǵy men tósbelgini tabys etti
Prezıdent Jarlyǵymen bekitilgen arnaıy tósbelgi men qujatty akademıkke QR Memlekettik hatshysy Qyrymbek Kósherbek tabys etti. Elbasy men Memleket basshysynyń sálemin jetkizgen Memlekettik hatshy Tóregeldi Sharmanovqa densaýlyq saqtaý salasyndaǵy eren eńbegi úshin alǵys bildirdi. Qyrymbek Kósherbaev akademıktiń densaýlyq saqtaý salasyna qosqan úlesi ushan teńiz ekenin aıtyp, qazaq eli ǵana emes TMD-nyń medıtsınasyn alǵa súıregen azamattyń biri ekenin tilge tıek etti. Onyń naqty mysaly retinde 1978 jyly Almatyda qabyldanǵan HH ǵasyrdaǵy densaýlyq saqtaý salasynyń hartııasy. Bul qujat áli kúnge deıin dúnıejúzilik densaýlyq saqtaý salasynyń bir maqtanyshy sanalady eken.
«Ótken jyly DDSU óziniń konferentsııasynda Almaty deklaratsııasynyń HHІ ǵasyrda da ózekti ekenin aıtyp, densaýlyq saqtaý salasyndaǵy basty basymdyq retinde alǵashqy medıtsınalyq kómek qala beredi dep qaýly qabyldady. Densaýlyq saqtaý salasynyń bolashaǵyn jáne negizgi basymdyqtaryn aıqyndaǵan úlken qujattyń qazaq jerinde, Almatyda qabyldanǵany, onyń ishinde Tóregeldi Sharmanulynyń bastamasy bolǵanyn biz maqtanyshpen aıtamyz.
Al toqsannyń tórine shyqqan akademık búginde durys tamaqtaný baǵytynda tolaıym tabystarǵa jetip, medıtsına men ulttyq dástúrdi ushtastyrǵan ǵalym óskeleń urpaqty tárbıeleýde eren eńbek sińirip keledi», – dedi Qyrymbek Kósherbaev.
Óz kezeginde Tóregeldi Sharmanov Elbasy men Memleket basshysyna alǵys aıtty. Jastarǵa ósıetin jetkizdi.
«Eń bastysy, erinbeı eńbek etý kerek. Halyqqa, elge, ortańa adal qyzmet qylsań, baq pen bereke óz aıaǵymen keledi», – dedi Tóregeldi Sharmanov.
