Memlekettik hatshy: Tarıhty saqtap qalý - ultty saqtap qalýdyń jalǵyz joly

ASTANA. 5 maýsym. QazAqparat - Tarıhty saqtap qalý - ultty saqtap qalýdyń jalǵyz joly. Búgin Elordadaǵy Eýrazııa ulttyq ýnıversıtetinde Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen alqa otyrysynda QR Memlekettik hatshysy Marat Tájın osylaı málim etti.

Sóz arasynda Memlekettik hatshy Elbasy tapsyrmasy boıynsha «Tarıh tolqynyndaǵy halyq» degen atpen tarıhı zertteýlerdiń arnaýly baǵdarlamasy jasalatynyn atap ótti. M. Tájınniń aıtýynsha, bul baǵdarlamanyń negizgi maqsaty - Qazaqstannyń tarıh ǵylymyn aldyńǵy qatarly ádisnama jáne ádisteme arqyly sapaly sekiristi júzege asyrýyna jaǵdaı jasaý, qazaqtyń ulttyq tarıhynyń kókjıegin keńeıtý, ulttyq jańa tarıhı dúnıetanymyn qalyptastyrý.

«Tarıhqa arqa súıemegenniń bolashaǵy bulyńǵyr. Jer sharynda mán-maǵyna men qundylyqtardyń myltyqsyz maıdany kún saıyn júrip jatqan qazirgi kezde tarıhı jadyny saqtap qalý - jalpy ózińdi-óziń saqtap qalýdyń jalǵyz joly», - dedi Marat Tájın.