Memlekettik hatshy: Tarıh páni boıynsha sapaly oqýlyq daıarlaý máselesi kún tártibinen túspeı tur

ASTANA. 5 maýsym. QazAqparat - Tarıh páni boıynsha sapaly oqýlyq daıarlaý máselesi kún tártibinen túspeı tur. Búgin elordadaǵy Eýrazııa ulttyq ýnıversıtetinde Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda QR Memlekettik hatshysy Marat Tájın osylaı málimdedi.

«Qazaqstan týraly bizdegi jáne shetelderdegi tarıhı materıaldardyń barlyǵyn jınaýǵa, júıeleýge jáne jikteýge basa kóńil bólýge tıispiz. Sondyqtan da biz tarıhı artefaktilerdiń (bul qazirgi zaman tarıhyna da qatysty) barlyq negizgi sheteldik qoımalaryn uqypty zertteýge, sondaı-aq ol tarıhı materıaldardy Qazaqstanǵa qaıtarý múmkindigi jónindegi máseleni qaraýǵa tıispiz. Al, eger ondaı múmkindik bolmasa - olardyń kóshirmesin jasatyp, bolashaqta zertteýshiler men jalpy jurtshylyq úshin qoljetimdi etýimiz kerek», - dedi Memlekettik hatshy sóz arasynda.