Memlekettik hatshy rámizderge qatysty respýblıkalyq komıssııanyń otyrysyn ótkizdi

ASTANA. QazAqparat - 22 qarashada «Uly Dala Eli - Táýelsizdiktiń 25 negizi» atty juldyzdy 25 kún aıasynda Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Memlekettik rámizder jáne vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń keńeıtilgen otyrysy ótti.

Keńeıtilgen otyrysqa ortalyq jáne jergilikti atqarýshy memlekettik organ basshylary, memleket jáne qoǵam qaıratkerleri, mádenıet jáne sport ókilderi, ǵalymdar jáne t.b. qatysty.

Otyrys barysynda Memlekettik hatshy bıylǵy jyldyń mańyzdylyǵyn basa atap kórsetti. «Qazaqstan Respýblıkasy Táýelsizdiginiń 25 jyldyǵyn merekeleý tujyrymdamasyna sáıkes bıylǵy jyldyń árbir aıynda úlken saıası mán bar. Osy syndarly kezeńde eldigimizdiń negizgi aınasy - memlekettik rámizderimizdi, táýelsizdigimizdi jáne eldiń basqa da ulttyq qundylyqtardy ardaqtaý bárimizdiń ortaq mindetimiz bolmaq» - dep atap ótti.

Komıssııa otyrysynda Qazaqstan Respýblıkasy Syrtqy ister, Aqparat jáne kommýnıkatsııalar, Mádenıet jáne sport mınıstrlikteriniń, sondaı-aq Almaty qalasy, Qaraǵandy jáne Shyǵys Qazaqstan oblystary ákimderiniń memlekettik rámizderdi paıdalaný jáne nasıhattaý jónindegi jumystary týraly esepteri tyńdaldy. Komıssııa músheleri memlekettik rámizderdiń paıdalanylý tájirıbesi men memlekettik rámizder salasyndaǵy rámizderdiń qoldanylýyn talqylady.

Otyrys qorytyndysy boıynsha memlekettik organdarmen ákimdikterge jumystardy odan ári jetildirý boıynsha naqty tapsyrmalar men usynystar berildi.