Memlekettik hatshy: QHA - Elbasy N.Nazarbaevtyń biregeı saıası jańashyldyǵynyń jarqyn nátıjesi

ASTANA. QazAqparat - Qazaqstan halqy Assambleıasy Elbasy Nursultan Nazarbaevtyń biregeı saıası jańashyldyǵynyń jarqyn nátıjesi. Búgin Astanada L.N.Gýmılev atyndaǵy Eýrazııa ulttyq ýnıversıtetinde dáris ótkizgen QR Memlekettik hatshysy Gúlshara Ábdiqalyqova osylaı atap kórsetti.

«Memleket basshysy 1 naýryzdy ǵasyrlar boıy barlyq etnostarǵa qaıyrymdylyǵy men meıirimdiligin tanytyp kele jatqan «Qazaqtarǵa alǵys aıtý kúni» dep atap ótýge qatysty barynsha ádiletti usynys engizdi. Naq sondyqtan, Qazaqstan halqy Assambleıasynyń 22-shi sessııasy «Máńgilik El: bir el - bir taǵdyr» atty ataýymen ótti. 2015 jyl Qazaqstan halqy úshin aýqymy zor tarıhı jylǵa aınaldy. Óıtkeni, Assambleıanyń Qazaqstan halqyn birtutas etip, biriktirýshi basty mıssııasy men mindeti tabysty oryndaldy», - dedi G.Ábdiqalyqova.

Memlekettik hatshynyń atap kórsetkenindeı, búginde Assambleıa - turaqtylyqtyń senimdi faktory, qoǵamdyq kelisimniń berik irgetasy, ornyqty damýdyń kepili.

«Búginde QHA - Elbasy N.Nazarbaevtyń biregeı saıası jańashyldyǵynyń jarqyn nátıjesi, patrıottyq jáne berekeli yntymaq, Otannyń taǵdyryna degen jalpy jaýapkershilik, Qazaqstannyń tabysty damýynyń strategııalyq resýrsy, bizdiń kúsh-jigerimiz ben erteńgi kúnge degen mol senimimiz», - dep sózin túıindedi Memlekettik hatshy.