Memlekettik hatshy qazaqtardyń nomadtyq órkenıetin zertteý salasynda ǵylymı zertteýler baǵdarlamasyn daıyndaýdy tapsyrdy

ASTANA. 5 maýsym. QazAqparat - Búgin elordada Eýrazııa ulttyq ýnıversıtetindegi jıyn barysynda QR Memlekettik hatshysy Marat Tájın qazaqtardyń nomadtyq órkenıetin zertteý salasynda ǵylymı jáne ǵylymı-qoldanbaly zertteýler baǵdarlamasyn daıyndaýdy tapsyrdy. Eske salsaq, Memlekettik hatshynyń tóraǵalyǵymen Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysy ótken bolatyn.

Keńes barysynda sóz sóılegen Marat Tájın ortalyqazııalyq nomadtyq (kóshpendiler) órkenıetin zertteýdiń mańyzdylyǵyna erekshe toqtaldy. «Qazirgi tańda ol órkenıettiń saqtaýshysy qazaq ulty bolyp otyr. Qazaq etnosynyń arheologııasyn, antropologııasyn, etnografııasyn, folkloryn, mádenıeti men dástúrlerin zertteýge kúsh sala otyryp, qazaqtardyń nomadtyq órkenıetin zertteý salasynda ǵylymı jáne ǵylymı-qoldanbaly zertteýler baǵdarlamasyn daıyndaýdy tapsyramyn», - dedi Memlekettik hatshy. M. Tájınniń aıtýynsha, bizge Ortalyq Azııa óńiriniń tarıhy men tutastaı alǵanda jalpy tarıh týraly ózimizdiń, ulttyq paıym-túsinigimizdi qalyptastyra bastaý máselesin qarastyrǵan oryndy.