Memlekettik hatshy Qazaqstan halqy Assambleıasynyń ókilderin 15 jyldyq merekesimen quttyqtady
áýirdiń 19-y. QazAqparat /Aıdar Ospanalıev/ - Búgin Memlekettik hatshy - Syrtqy ister mınıstri Qanat Saýdabaev Qazaqstan halqy Assambleıasynyń keńeıtilgen májilisinde jıynǵa qatysýshylardy Assambleıanyń qurylǵanyna 15 jyl tolýymen quttyqtady,
dep habarlaıdy QazAqparat.
«Prezıdentimizdiń bilikti basshylyǵynyń arqasynda Qazaqstan kópultty, kópkonfessııaly elde birlik pen kelisimdi saqtaýda ózgelerge úlgi bola bildi. Búginde álem túrli qaqtyǵystar qaıshylyqtarǵa tolyp otyrǵan tusta, bizdiń aımaqtaǵy birlik pen tyntyshtyq - elimizdiń saıası baǵytynyń qanshalyqtyq durys ekendigin jáne bul baǵytta Qazaqstan halqy Assambleıasynyń qanshalyqty ról atqaryp otyrǵandyǵyn kórsetti», dedi Q.Saýdabaev.
Sondaı-aq ol Memleket basshysy, Qazaqstan halqy Assambleıasynyń Tóraǵasy Nursultan Nazarbaevtyń AQSh-taǵy ıadrolyq qarýdy taratpaý jónindegi sammıtke qatysyp, onda elimizdiń álem aldyndaǵy bedeliniń qanshalyqty joǵary ekendigin kórsetkendigin atap ótti. «Prezıdentimizdiń 47 memleket basshysy qatysqan atalmysh samıttegi orny óte joǵary boldy. Elbasyn AQSh Prezıdenti Barak Obama da erekshe iltıpatpen qarsy aldy. AQSh basshysy N.Nazarbaevty ıadrolyq qarýdy taratpaý jónindegi qozǵalystyń moıyndalǵan lıderi retinde atap ótti. Al Prezıdentimizdiń aımaqtaǵy qaýipsizdikti qamtamasyz etýge qatysty jumystarǵa qosqan úlesi jóninde Japonııa, Frantsııa, Reseı, Úndistan sııaqty ózge de birqatar memleketterdiń basshylary atap ótti», dedi Memlekettik hatshy.
Ol sózinde Qazaqstannyń búgin tózimdilik, birlik pen kelisimdi qalyptastyrýda da lıderlerdiń biri bolyp otyrǵandyǵyna toqtala kele, «bul da memleketimizdiń álem aldyndaǵy bedelin kóteretin mańyzdy faktorlardyń biri», dedi.
