Memlekettik hatshy: «Bolashaq» - basqarýshylardyń jańa býynyna prezıdenttik ınvestıtsııa

ASTANA. QazAqparat - QR Memlekettik hatshysy Gúlshara Ábdiqalyqova halyqaralyq «Bolashaq» baǵdarlamasyn Prezıdent Nursultan Nazarbaevtyń basqarýshylardyń jańa býynyna salǵan ınvestıtsııasy dep atady, dep habarlaıdy QazAqparat.

«Bolaşaq» baǵdarlamasy Prezıdenttiń eń mańyzdy bastamalarynyń biri bolyp tabylady jáne ony iske asyrýdyń 23 jylynda Qazaqstanǵa kadrlardy daıarlaýdyń álemdik júıesine sátti yqpaldasýǵa múmkindik berildi. Osy rette qazaqstandyq ekonomıkalyq, áleýmettik jáne mádenı keńistikke úzdik tehnologııalar transfertin qamtamasyz etýge jol ashyldy. Prezıdenttik «Bolashaq» jobasy - ol basqarýshylardyń bolashaq býynyna, álemdik deńgeıdegi mamandarǵa prezıdenttik ınvestıtsııa»,-dedi Memlekettik hatshy «Bolashaq» baǵdarlamasynyń ІІІ halyqaralyq konferentsııasynda.

 

G. Ábdiqalyqova bul baǵdarlama bastalǵaly 12 myńnan astam stıpendııa taǵaıyndalǵanyn jáne 8,5 myńnan astam maman daıarlyqtan ótkenin eske salyp ótti.

«Baǵdarlama arqasynda ár salada joǵary bilikti mamandardyń qatary tolyǵyp, eldiń eńbek jáne ǵylymı áleýeti nyǵaıyp keledi. Búginde «Bolashaq» baǵdarlamasynyń túlekteri joǵary sanattaǵy kásibı mamandardyń pýly jáne olar kúndelikti óz eńbekterimen qazaqstandyq ǵylym men ekonomıkaǵa úlesterin qosyp keledi», - dedi ol.

Aıta keteıik, «Bolashaq» halyqaralyq stıpendııasy Qazaqstan Respýblıkasynyń Prezıdenti N.Ə.Nazarbaevtyń 1993 jylǵy 5 qarashadaǵy qaýlysymen qurylǵan.