Memlekettik hatshy almatylyq 10 jasar baladan úlgi alýǵa shaqyrdy

AQTÓBE. QazAqparat - Qazaqstannyń Memlekettik hatshysy Gúlshara Ábdiqalyqova qazaqstandyqtardy rýhanı, adamgershilik qasıetteri mol, mádenıetti adamdar dep atady, dep habarlaıdy «QazAqparat» HAA tilshisi.

«Memleket basshysy aıtqandaı, patrıotızm óz elińe, aýylyńa, qalańa degen súıispenshilikten bastalady. Bizdiń elde rýhanı, salaýatty, adamgershilikti, órkenıetti, Prezıdent bastamalaryn qoldaıtyn qoǵam qarqynmen damyp keledi. Máselen, úshinshi synyptyń on jasar oqýshysy Dáýit Baltabaev Almatyda kórshi aýlany jınalyp qalǵan qoqystan tazartty. Jas Dáýittiń izgi amaly - kóptegen úlkenderge úlgi», - dedi Memlekettik hatshy.

Sondaı-aq, Aqtóbedegi «Týǵan jer» respýblıkalyq forýmynda Gúlshara Ábdiqalyqova belgili dıplomat, qoǵam qaıratkeri, Qazaqstannyń birinshi syrtqy ister mınıstri Tóleýtaı Súleımenov týǵan qalasy Aıagózge el Street Workout kóshe sportymen aınalysýy úshin beltemir, qossyryq sekildi trenajerlarmen jabdyqtalǵan sporttyq alań tartý etkenin úlgi etti. Soltústik Qazaqstannyń Ilıchevka aýylynda kásipker Saıran Jaqypov 15 mln teńgege jańa zamanaýı medıtsınalyq pýnkt salyp bergenin aıtty.

Onyń sózine qaraǵanda, aqtóbelikter týǵan ólkesine qoldaý kórsetý boıynsha aldyńǵy qatarda keledi.