Memlekettik hatshy: Adam quqyǵy - Qazaqstannyń basty baǵyty, joǵary qundylyǵy
«Barshańyzdy BUU Bas Assambleıasynyń Adam quqyqtarynyń jalpyǵa birdeı dekalaratsııasyn qabyldaýynyń 67 jyldyǵymen jáne búgingi Halyqaralyq adam quqyǵy kúnimen shyn júrekten quttyqtaımyn. Adamzat tarıhynda alǵash ret adam quqyqtarynyń keshendi tujyrymdamasyn qamtıtyn osy ámbebap halyqaralyq qujat BUU-nyń adam quqyqtary salasynda qabyldaǵan paktiler men konventsııalarynyń negizgi irgetasyn qabyldady. Álemniń kóptegen elderiniń Konstıtýtsııalarynda, sonyń ishinde Táýelsiz Qazaqstannyń Ata Zańynda da adam quqyqtarynyń jalpyǵa birdeı deklaratsııasynyń negizgi erejeleri men qaǵıdattary engizilgen. Adam quqyǵy - Qazaqstan Respýblıkasynyń basty baǵyty, joǵary qundylyǵy. Uly dala eliniń memlettik saıasatynyń negizgi ózegi adam quqyqtary men bostandyqtaryn saqtaýǵa jáne qorǵaýǵa baǵyttalǵanyn erekshe atap ótkim keledi», - dedi jıyn barysynda QR Memlekettik hatshysy Gúlshara Ábdiqalyqova.
G.Ábdiqalyqova óz sózinde qazaq halqy ejelden halyqtyq demokratııany ustanǵanyn, adamnyń quqyqtary men bostandyqtaryn joǵary qurmettep, bul tetikterdi el basqarýdaǵy úrdisterde, ishki jáne syrtqy saıasatta asa sheberlikpen qoldana bilgenin atap ótti. «Táýelsizdik alǵan sátten bastap, Qazaqstan Respýblıkasy adam quqyqtary men bostandyqtaryn qurmetteýge, saqtaý men qorǵaýǵa mindetteme alyp, BUU-nyń Adam quqyǵyna qatysty 60-tan astam halyqaralyq kelisimshartyn ratıfıkatsııalady», - dedi ol.
Memlekettik hatshy Qazaqstan óz táýelsizdiginiń 24 jylynyń ishinde halyqaralyq qatynastardy nyǵaıtýda, ekonomıka, bilim, ǵylym, mádenıet salalarynda, sondaı-aq adamdardyń quqyqtaryn qorǵaý men saqtaýda eleýli jetistikterge jetkenin atap ótti.
«Qazaqstan adam quqyǵyn qorǵaýda óziniń halyqaralyq mindettemelerin árdaıym basshylyqqa alyp otyrady. Elimiz - BUU-nyń, EQYU-nyń, IYU-nyń jáne basqa da kóptegen halyqaralyq uıymdardyń bedeldi múshesi. Qazirgi kezde Qazaqstan - BUU-nyń Adam quqyqtary jónindegi keńesine jáne onyń bıýrosyna múshe. Ótken bir jyldyń ishinde QR óziniń adam quqyqtary salasynda qabyldaǵan mindettemelerine baılanysty daıyndalǵan 4 ulttyq baıandamany BUU-nyń Adam quqyqtary jónindegi keńesinde jáne konventsııalyq organdarda sátti qorǵap shyqty. Bul, eń aldymen, Elbasy N.Nazarbaevtyń ishki jáne syrtqy saıasattaǵy qyzmetine berilgen joǵary baǵa ári elimizdegi adam quqyqtarynyń saqtalýy men qorǵalýyna kóńil bólinip otyrǵandyǵnyń nátıjesi», - dedi Memlekettik hatshy.
