Memlekettik «Gúlder» ansambli jańa qurammen óner kórsetedi
«Bıyl jeltoqsanda «Gúlder» ansamblin qaıta jasaqtap, tanystyrý jospary bar. Búginde qazaq horeografııa akademııasynyń túlekteri arasynan talantty jastardy alyp jatyrmyz. Sonymen qatar mýzykanttar da bar. Elordanyń beldi ánshileri «Gúlder» ujymyna qosylyp jatyr. Bul ujymnan Roza Rymbaeva, Maqpal Júnisova, Aıjan Nurmaǵambetova sekildi tanymal ánshiler shyqty. Olar óner jolyn osy «Gúlderden» bastaǵan. Jańa quramda Ámre, Rýhııa Baıdúkenova sekildi jas ánshiler bolady dep josparlap jatyrmyz», - dedi Roza Baǵlanova atyndaǵy «Qazaqkontsert» memlekettik kontserttik uıymynyń dırektory Aqtoty Raıymqulova elordada ótken baspasóz máslıhatynda.
Sondaı-aq, brıfıngte halyq Roza Baǵlanovanyń 100 jyldyǵyna oraı týǵan jeri Qyzylorda oblysynda birneshe kontsert ótetini habarlandy.
Kontserttik týr 28 qyrkúıekte bastalady.
Aıta ketsek, «Qazaqkontsert» ujymy gastroldik saparmen el aralap kontsert bermek.
Sondaı-aq, atalǵan ujymnyń uıytqy bolýymen jaz boıy astanalyq balalar tegin kıno kórý múmkindigine ıe boldy.
Odan bólek, ónerge jaqyn erekshe balalardy qoldaýǵa arnalǵan «Arman asýlary» atty jańa joba qolǵa alynǵanyn habarlaǵan edik.
