Memlekettik grantsyz qalǵan 39 «Altyn belgi» ıegeriniń 23-i joǵary oqý ornyna qabyldandy
ASTANA. QazAqparat - Memlekettik grantsyz qalǵan 39 «Altyn belgi» ıegeriniń 23-i joǵary oqý ornyna qabyldandy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Joǵary jáne joǵary oqý ornynan keıingi bilim, halyqaralyq yntymaqtastyq departamenti dırektorynyń mindetin atqarýshy Serik Ómirbaev málim etti.
«Joǵaryda atalyp ótilgendeı, aǵymdaǵy jyly da memlekettik grant kólemi ótken jylǵy deńgeıde qalyp, qysqartylǵan joq. Biraq, memlekettik granttardy mamandyqtarǵa bólý barysynda basymdyq ınjenerlik-tehnıkalyq, aýyl sharýashylyǵy, veterınarııa salalaryna basymdyq berildi. Sondyqtan da ekonomıka, zańgerlik syndy birqatar mamandyqtarǵa grant sany qysqartylǵan bolatyn, - dep atap ótti ol.
Sonymen qatar ol aǵymdaǵy jyly 39 «Altyn belgi» ıegeriniń memlekettik grantqa ilige almaı qalǵanyn taǵy bir eske salyp ótti.
«Memlekettik granttardy taǵaıyndaý jónindegi komıssııa otyrysynda mınıstr bul sanatqa jatatyn talantty balalardyń joǵary oqý ornyna qabyldanýyn rektorlardyń nazaryna erekshe salǵan bolatyn. Senbi kúngi jaǵdaıǵa sáıkes 39 «Altyn belgi» ıegeriniń 23-i joǵary oqý ornyna qabyldanǵanyn aıta alamyn», - dedi S.Ómirbaev.
Ol óz sózinde qalǵan «Altyn belgi» ıegerleriniń de taıaý ýaqytta joǵary oqý ornyna qabyldanatyndyǵyna ýáde berdi.
