Memlekettik eńbek ınspektorlarynyń qyzmetine kóńilińiz tola ma
ASTANA. QazAqparat - Memlekettik eńbek ınspektorlary 7 myńnan astam qazaqstandyq jumysshynyń quqyǵyn qorǵady, dep habarlaıdy QazAqparat.
«2017 jyldyń 1 mamyryndaǵy jaǵdaı boıynsha memlekettik eńbek ınspektorlary respýblıkanyń 528 kásipornynda 9,4 myń jumysker aldynda jalaqy boıynsha 1,1 mlrd. teńgeden astam qaryz bar ekenin anyqtady. Atalǵan kásiporyndardyń basshylaryna oryndalýǵa mindetti 461 uıǵarym berilip, 59 mln. teńgeden astam somaǵa aıyppul salyndy»,-dep atap ótilgen QR Eńbek jáne halyqty áleýmettik qorǵaý mınıstrliginiń málimetinde.
Qoldanylǵan sharalardyń nátıjesinde jáne jalaqy boıynsha qaryzdy óteýdiń merzimi men kestesin qatań belgileý arqyly 7 myńnan astam jumyskerdiń quqyǵy qorǵaldy. Nátıjesinde, olarǵa 867,7 mln. teńge tólendi.
Jalpy, ótken jyly, memlekettik eńbek ınspektorlary 1549 tekserý júrgizip, QR eńbek zańnamasyn buzýdyń 1844 deregi anyqtaldy jáne 65,6 mln. teńgege aıyppul salyndy.
