Memlekettik emes uıymdardyń halyqaralyq júrgizýshi kýáligin kommertsııalyq negizde berýi zańsyz
ASTANA. QazAqparat - Qazaqstan Respýblıkasynyń zańnamasynda sáıkes, memlekettik emes uıymdardyń memlekettik fýnktsııalardy júzege asyrýyna jol berilmegen.
Jol qozǵalysy salasyndaǵy zańnamada ulttyq jáne halyqaralyq júrgizýshilik kýálikterdiń úlgilerin ýákiletti organ bekitetini belgilengen.
Osyǵan baılanysty, ýákiletti organ retinde Іshki ister mınıstrligi júrgizýshi kýáliginiń úlgisin bekitip (QR ІІM 2014 jylǵy 08 jeltoqsandaǵy № 874 buıryǵymen) jáne ony berýdi júzege asyrady.
Budan basqa, «Salyqtar jáne bıýdjetke basqa da mindetti tólemder týraly» Qazaqstan Respýblıkasy Kodeksiniń 540-babynda júrgizýshi kýáligin berýge memlekettik baj belgilengen, ol tólegen kúndegi eń az aılyq eseptik kórsetkishtiń 125 paıyzyn quraıdy (2478 teńge). Bul rette, Kodekste júrgizýshi kýáligin berýge qandaı da bir basqa baj jáne jıyn belgilenbegen.
Aıtylǵandardy eskersek, memlekettik emes uıymdardyń halyqaralyq júrgizýshi kýáligin kommertsııalyq negizde berýi zańsyz.
Budan basqa, ishki ister organdary beretin júrgizýshi kýáligi ulttyq júrgizýshi kýáligine halyqaralyq sharttar belgilegen talaptarǵa sáıkes keledi.
Sonymen, ulttyq júrgizýshi kýáligi tıisti kólem men tús boıynsha plastıkten daıyndalǵan, belgilengen tártipte úsh tilde (memlekettik, orys, aǵylshyn tilderi) jazylǵan málimetteri bar.
Osyny eskere kele, Qazaqstan Respýblıkasynda halyqaralyq kýálik berý qajettiligi joq deýge bolady, dep habarlaıdy ІІM Ákimshilik polıtsııa komıteti.
