Memlekettik Eltańba avtory J. Málibekov kedenshilerge sımvoldyń jasalý tarıhy týraly áńgimelep berdi
ASTANA. 6 maýsym. QazAqparat - Búgin Astana qalalyq Kedendik baqylaý komıtetinde «Qazaqstan Týymen tuǵyrly, Ánuranymen aıbatty, Eltańbasymen eńseli» atty saltanatty jıyn ótti.
Shara QR Memlekettik rámizderiniń 20 jyldyǵyna arnalyp otyr. Ol azamattyq jaýapkershilikke jáne óz eline degen otansúıgishtikke tárbıelep, QR-nyń Memlekettik rámizderine degen qurmetti qalyptastyrýǵa, sonymen birge onyń máni men mańyzyn bilýge baǵyttalǵan.
Jıyn barysynda Memlekettik Eltańbanyń avtory Jandarbek Málibekov sóz aldy. Ol Memlekettik Eltańbanyń jasalý tarıhy týraly áńgimelep, onyń kompozıtsııalyq qurylymynyń mánin tolyq sıpattap berdi.
«Táýelsizdik - qazaqstandyqtardyń eń qasıetti qundylyǵy. Búginde biz jas ári egemen elmiz. Bizdiń basty maqsatymyz ben basymdyǵymyz beıbitshilikti saqtaý. Bizge óz tilimiz ben dástúrimizdi damytý qajet», - dedi J. Málibekov.
Vedomstvonyń baspasóz qyzmeti atap ótkenindeı, osyndaı sharalar Kedendik baqylaý komıtetiniń aımaqtyq organdarynda da ótýde.
Qazaqstannyń jańa memlekettik rámizderi 1992 jyly 4 maýsymda bekitildi. Bul kún el tarıhynda Memlekettik rámizder kúni retinde máńgi qalmaq.
