Memlekettik dýma RF premer-mınıstri qyzmetine D.Medvedevtiń kandıdatýrasyn qoldady
ASTANA. 8 mamyr. QazAqparat - Memlekettik dýma kezekten tys plenarlyq otyrys barysynda RF Úkimet basshysynyń qyzmetine D.Medvedevtiń kandıdatýrasyn qoldady.
RBK-nyń habarlaýynsha, onyń taǵaıyndalýy úshin 299 depýtat daýys berdi, taǵy 144-i oǵan qarsy shyqqan. Daýys berý ashyq úlgide ótti.
D.Medvedevtiń kandıdatýrasyn «Birińǵaı Reseı» fraktsııasy men Reseıdiń Lıberaldyq-demokratııalyq partııasy qoldaǵan, al Reseı Federatsııasynyń Kommýnıstik partııasy men «Ádil Reseı» qarsy shyqqan.
D.Medvedevtiń RF premer-mınıstri qyzmetine kandıdatýrasyn sol kúni Reseı Prezıdenti qyzmetine kirisken Vladımır Pýtın engizdi. Keshegi jáne erteńgi kúnderdiń ishinde D.Medvedev dýmanyń barlyq fraktsııalarymen óziniń RF Úkimetiniń basshysy bolyp taǵaıyndalýyna baılanysty keńesterin ótkizedi.
