Memlekettik dýma Qazaqstannan keletin tranzıttik poıyzdardy tekserýden bas tartýdy bekitti

ASTANA. QazAqparat - Memlekettik dýma 20 shilde kúngi jalpy otyrysynda Qazaqstannan keletin tranzıttik poıyzdardy shekaralyq baqylaýdan bas tartýǵa múmkindik beretin hattamany ratıfıkatsııalady, dep habarlaıdy  REGNUM aqparat agenttigi.

Hattamaǵa 2016 jyldyń 4 jeltoqsany kúni Astanada ótken Óńiraralyq jáne shekaraaralyq yntymaqtastyq forýmy barysynda qol qoıyldy. Qujatqa sáıkes, eki tarap óz shekarasy arqyly jolaýshylar jáne júk poıyzdaryn shekaralyq baqylaýsyz ótkizýge kelisken. Bul ereje basqa eldiń aýmaǵynda aıaldaý josparlanbaǵan baǵyttaǵy poıyzdarǵa ǵana qatysty, ıaǵnı, quram aýmaqtan tranzıtpen ótip ketedi.

Hattama, sondaı-aq, jergilikti atqarýshy organdar bılik ókildikteriniń shekaraǵa jaqyn mańdaǵy aýdandarda jolaýshylardy tasymaldaý erejesin jasaýǵa mindetteledi. Sonyń ishinde, olar jolaýshylardy tasymaldaıtyn tasymaldaýshyny anyqtaıtyn konkýrs ótkizý erejesin jasap, shyǵyndardy óteýge shekaramen shektes sýbektilerdiń bıýdjetinen sýbsıdııa alady.