Memlekettik bıýdjettiń túsimderi 1 jeltoqsanda 3 826,9 mlrd. teńgeni qurady. - Qarjy mınıstri
ASTANA. 14 jeltoqsan. QazAqparat /Marlan Jıembaı/ - Memlekettik bıýdjettiń túsimderi 1 jeltoqsanda 3 826,9 mlrd. teńgeni qurady. Bul týraly búgin 2010 jyldyń 11 aıyndaǵy áleýmettik-ekonomıkalyq damýdyń qorytyndysyna arnalǵan Úkimet otyrysynda Qarjy mınıstri Bolat Jámishev málim etti.
«Memlekettik bıýdjettiń túsimderi qaryzdardyń túsimin esepke almaǵanda 1 jeltoqsanǵa 3826,9 mlrd. teńgeni nemese 100,7 paıyzdy qurady. Al respýblıkalyq bıýdjettiń túsimderi 3230,3 mlrd. teńgege nemese 100,2 paıyzǵa jetti. Bul rette 2010 jyldyń qorytyndysy boıynsha kiristerdi 104,1 paıyzǵa atqarý kútilip otyr. 2009 jylmen salystyrǵanda respýblıkalyq bıýdjetke kirister 777,5 mlrd. teńgege kóp túsedi. Bul qalyptasyp otyrǵan ekonomıkalyq ósimmen baılanysty», - dedi ol.
Sondaı-aq, ulttyq qordan kepildik berilgen transferttiń túsimderinsiz respýblıkalyq bıýdjettiń kiristerine toqtalǵan mınıstrdiń aıtýynsha, aǵymdaǵy jyly jospardyń 106,5 paıyzǵa oryndalýy kútiledi. Bul oraıda artyǵymen oryndaý 143 mlrd. teńge somasynda bolsa, onyń ishinde salyqtyq túsimder133,4 mlrd. teńge nemese 7,1 paıyz bolmaq.
