Memlekettik bıýdjetten kolledjder men kásiptik lıtseılerge qosymsha 20 myń adamǵa memlekettik bilim berý tapsyrystary bólindi - Bilim jáne ǵylym mınıstrligi
ASTANA. Qarashanyń 18-i. QazAqparat /Jasulan Amanbaıuly/ - Memlekettik bıýdjetten kolledjder men kásiptik lıtseılerge qosymsha 20 myń adamǵa memlekettik bilim berý tapsyrystary bólindi.
Bul týraly búgin Bilim jáne ǵylym mınıstrliginde ótken aptalyq brıfıngte Tehnıkalyq jáne kásiptik bilim berý departamentiniń tóraǵasy Qadyrbaek Bóribaev málimdedi, dep habarlaıdy QazAqparat.
«Respýblıkalyq bıýdjetten bundaı kólemdegi tapsyrystar el tarıhynda buryn-sońdy bolmaǵan. Orta býyndy mamandardy jáne jumyskerler kadrlaryn daıyndaý jergilikti bıliktiń deńgeıinde sheshilip keldi», deıdi Q.Bóribaev.
Mamandardy daıyndaý jáne qaıta daıarlaýda daǵdarysqa qarsy is-sharalar sheńberinde memleket 14 mlrd. teńge bóldi. Jol kartasy baǵdarlamasy boıynsha, qazirgi ýaqytta 45 myńnan asa adam kásiptik bilimdi qaıta alyp shyqqan.
Brıfıngte belgili bolǵanyndaı, Bilim mınıstrligi jumys berýshilerdiń qatysýymen 170 mamandyq boıynsha oqý baǵdarlamalaryn jasady. «Shetel jumysshylaryn almastyrý maqsatynda sapaly kásiptik bilimi joǵary jumysshylardy shyǵarýǵa úlken kúsh salyndy. Otandyq eńbek naryǵyn básekege qabiletti etýdiń jolyn izdedik. Sondyqtan eńbekte júrgen kadrlardyń biliktiligin arttyrý boıynsha, 10 myńnan asa maman qaıta daıarlandy», dep atap kórsetti ol.
