Memlekettik bıýdjet - memlekettik saıasattyń tutastaı kórinisi - Májilis spıkeri
ASTANA. 23 qazan. QazAqparat - Memlekettik bıýdjet - memlekettik saıasattyń tutastaı kórinisi. Búgin Parlament Májilisiniń jalpy otyrysynda «2014-2016 jyldarǵa arnalǵan respýblıkalyq bıýdjet týraly» zań jobasynyń maquldanýyna qatysty Palata Tóraǵasy Nurlan Nyǵmatýlın osyndaı pikir bildirdi.
Úkimet pen Parlamenttiń birlesken jumysy nátıjesinde aldaǵy úshjyldyq bıýdjeti jobasy maquldanǵanyn aıta kele spıker, munyń mańyzdy nátıje ekenin atady. «Bıýdjet jobasy Elbasynyń aldymyzǵa júktegen barlyq tapsyrmasyn oryndaýǵa múmkindik beretin bolady. Jalpy, memlekettik bıýdjet - memlekettik saıasattyń tutastaı kórinisi. Sondyqtan da, eki aı boıy Májilis Úkimetpen birlese úsh jyldyq bıýdjetti muqııat qarap shyqty», - deı kele N. Nyǵmatýlın bıýdjetti qalyptastyrýdyń kemshilikteri de bolǵanyn alǵa tartty.
«Ashyǵyn aıtý kerek, keı jaǵdaıda bıýdjettik tapsyrystar shala jasalyp qana qoımaı, tolyǵymen bıýdjettik zańnamaǵa qaıshy kelip turdy. Sondyqtan da, ondaıǵa depýtattar qaǵıdatty túrde qarsylyq bildirdi. Buny Úkimet te túsinedi dep oılaımyn. Keleshekte Úkimet bıýdjet jobasyn Parlamentke ákelgende osyny eskerýleri kerek. Sonda ǵana biz Memleket basshysynyń tapsyrmalaryn tııanaqty oryndaı alamyz», - dedi palata spıkeri.
