Memlekettik bıýdjet kirisi 10 paıyzǵa ósti

NUR-SULTAN. QazAqparat - Memlekettik bıýdjet kiristeri 10 paıyzǵa ósti, al bıýdjetke túsken salyq aıtarlyqtaı azaıdy, dep habarlaıdy QazAqparat finprom.kz saıtyna silteme jasap.

Kiristiń ósiminiń negizgi sebebi – transfertterdiń túsýi.

2020 jyldyń qańtar-qazan aılarynda eldiń memlekettik bıýdjetine 11,1 trln teńge aqsha túsken — bul byltyrǵy jylmen salystyrǵanda 9,9% kóp. Kirister jospary 96,7% oryndalǵan.

Salystyrmaly túrde, ótken jyldyń on aıynda memlekettie bıýdjet kiristeri 10,1 trln teńgeni qurap, jylyna 12,2% ósti.

Bul rette, memlekettik bıýdjetke salyq túsimi bir jylda 9,7% qysqaryp, 6,4 trln teńgeni quraǵan. Sonyń ishinde, 2,6 trln teńge ishki salyq, taýarlar men qyzmet kórsetýge, 2,1 trln teńge – kiris salyǵyna, 697,9 mlrd teńge – halyqaralyq saýda jáne syrtqy operatsııalarǵa tıesili boldy.

Salyqtyq emes túsimder 321,5 mlrd teńgege jetip, birden 69,9% ósken. Sonyń ishinde, 64,5%, nemese 207,3 mlrd teńgeni memlekettik menshik kiristeri quraǵan.

Negizgi kapıtaldy satý túsimi 11,3 paıyzǵa, 76,5 mlrd teńgege deıin qysqarǵan.

Ulttyq qordan túsken transfertter 4,3 trln teńgege jetti. Bul ótken jylmen salystyrǵanda 55,9 paıyzǵa joǵary.