Memlekettik borysh qaýipsiz deńgeıde saqtalady - Qarjy mınıstri
Bul týraly Parlament Senatynyń jalpy otyrysynda QR Úkimetiniń 2020 jylǵy respýblıkalyq bıýdjettiń atqarylýy týraly esebin qaraý kezinde Qarjy mınıstri Erulan Jamaýbaev málim etti, dep habarlaıdy QazAqparat tilshisi.
«Kvazımemlekettik sektordyń qyzmeti týraly biraz syndar aıtyldy. Osy baǵytta memlekettiń ekonomıkaǵa tikeleı qatysýyn qysqartý boıynsha jumys jalǵasady jáne jekeshelendirý protsesi kúsheıtiledi.
Jyl saıynǵy kóteriletin másele – ol kvazımemlekettik sektor sýbektileriniń shottaryndaǵy qaldyqtar. Bıýdjet zańnamasyna qajetti ózgertýler qabyldandy.
Bul qarajat sýbektilerdiń tıisti organdarynyń sheshimimen belgilengen tártip boıynsha jańa jobalarǵa baǵyttalady nemese bıýdjetke qaıtarylady» - dedi E. Jamaýbaev.
Onyń aıtýynsha, atalǵan esepti qaraý kezinde memlekettik boryshtyń ósýine erekshe nazar aýdaryldy.
«Rasynda, daǵdarysqa qarsy sharalardy qarjylandyrý úshin 2020 jyly biz bıýdjettiń tapshylyǵyn jáne qaryzdardy ulǵaıtýǵa májbúr boldyq.
Aldaǵy ýaqytta birtindep bıýdjet tapshylyǵyn tómendetý josparlanýda. Bul jańadan qaryz alý qarqynyn da azaıtady.
Valıýtalyq táýekelderdi boldyrmaý jáne qaryz quraldarynyń jergilikti naryǵyn damytý úshin barynsha ishki naryqtyń ótimdiligi paıdalanylatyn bolady.
Memlekettik borysh qaýipsiz deńgeıde saqtalady jáne ol belgilengen lımıtten asyp ketpeıdi» - dedi mınıstr.
