Memlekettik bilim granttaryn berý jónindegi respýblıkalyq komıssııa óz jumysyn aıaqtady
ALMATY. 11 tamyz. QazAqparat /Erlik Erjanuly/ - 2011/2012 oqý jyly joǵary bilimdi kadrlardy daıyndaýǵa memlekettiń bilim berý tapsyrysy 36 myń 46 grantty qurady.
Onyń 35 myń 46-sy kúndizgi, 1 myńy syrttaı oqý úlgisine berildi. Bilim granttaryn berý baıqaýyna 91 myń 18 úmitker qatysqan bolatyn. Respýblıkalyq komıssııa bilim granttarynyń 3003-in «Altyn belgi» ıelerine, 628-in halyqaralyq, respýblıkalyq olıpıadalardyń jáne ǵylymı jarystardyń jeńimpazdaryna, 409-yn sporttyq jarystardyń jeńimpazdaryna, 509-yn jetim jáne ata-ana qamqorlyǵynsyz qalǵan balalarǵa, 236-syn 1,2 toptaǵy múgedekter men múgedek-balalarǵa, 16 594-in aýyl jastaryna, 723-in qazaq dıpasporasynyń ókilderine berdi. Sondaı-aq 2275-in daıyndyq bólimderi, 500-in Nazarbaev ýnıversıteti, 125-in M. Lomonosov atyndaǵy Máskeý memlekettik ýnıversıtetiniń qazaqstandyq fılıaly, 200-in Q.A. ıAssaýı atyndaǵy halyqaralyq qazaq-túrik ýnıversıteti ıelendi.
Endi memlekettik bilim granttaryn ala almaǵan úmitkerler Bilim jáne ǵylym mınıstrliginiń janyndaǵy «Qarjylyq ortalyq» AQ-dan memlekettik kepildikpen oqý aqysyn tóleý úshin nesıe alýyna múmkindigi bar. Qazirgi tańda «Qarjylyq ortalyq» BTA bank, «Qazaqstannyń halyq banki» men «Alıansbanktegi» bilim nesıelerine kepildik berýde.
