Memlekettik bilim berý jınaqtaý júıesiniń salymshylary syılyqaqy aldy
«2017 jyly MBJJ bilim depozıtterin ashqan 13 myń salymshy 556 mıllıon teńge mólsherinde respýblıkalyq bıýdjetten memlekettik syılyqaqymen kótermelendi. Memlekettik syılyqaqy jyl saıyn bir ýaqytta tólenedi»,-dep atap ótilgen QR BǴM málimetinde.
Buǵan deıin memleket syılyqaqy eki márte tólendi, ıaǵnı 2015 jyly - 4 748 myń teńge, al 2016 jyly - 325 657 myń teńge. Tólengen memlekettik syılyqaqynyń jalpy somasy 897 mıllıon teńgege jetti. Qazirgi ýaqytta MBJJ júıesinde tirkelgen salymshylardyń sany 17 myń adamnan astam. Ashylǵan bilim depozıtteriniń jalpy somasy 11,5 mıllıon teńgeden asty.
Aıta keteıik, memleket syılyqaqysy - aqyly bilim alýǵa jalpy qoljetimdilikti arttyrý maqsatynda bilim berý depozıtterin yntalandyrýdyń qosymsha sharasy. Syılyqaqynyń mólsheri 5 paıyz nemese 7 paıyzdy quraıdy. 7 paıyz mólsherindegi kóterińki syıaqy memleketten áleýmettik turǵydan osal sanattaǵy azamattarǵa, ıaǵnı jetim balalarǵa, ata-anasynyń qamqorlyǵynsyz qalǵan balalarǵa, múgedekterge, az qamsyzdandyrylǵan otbasylardaǵy jáne kópbalaly otbasylardaǵy balalarǵa bólinedi.
Ony esepteý jyl saıyn 1 qańtardaǵy jaǵdaı boıynsha keminde 1 jyl tolǵan salymdaǵy naqty jınaqtalǵan somaǵa júrgiziledi.