«Memlekettik bilim berý jınaqtaý júıesi týraly» zań jobasy birinshi oqylymda maquldandy - Májilis
ASTANA. 14 qarasha. QazAqparat - Búgin QR Parlamenti Májilisiniń jalpy otyrysynda palata depýtattary «Memlekettik bilim berý jınaqtaý júıesi týraly» zań jobasyn birinshi oqylymda maquldady.
Atalǵan zań jobasy Elbasynyń byltyrǵy jylǵy joldaýynda júktelgen tapsyrmany oryndaýǵa baǵyttalǵan.
Qazirgi ýaqytta Qazaqstanda joǵary bilim alýǵa qol jetkizý memlekettik bilim berý granttary men oqý aqysyn jeke tóleýdi úılestirý arqyly qamtamasyz etiledi. Osyǵan baılanysty bilim berý qyzmetterin qarjylandyrýdy memlekettik qoldaýdyń qosymsha quraly Memlekettik bilim berý jınaqtaý júıesin engizý qarastyrylady. Bul júıe bilim alýǵa qoljetimdilikti keńeıtýge múmkindik beredi.
Osy rette zań jobasy kásiptik bilim berýdi qarjylandyrýdyń tıimdi tetikterin qurýdy, sapaly bilim alýǵa qoljetimdilik pen teń múmkindikterdi arttyrý maqsatynda bilim berý jınaqtary júıesin quqyqtyq retteýdi aıqyndaıdy.
