«Memlekettik bilim berý jınaqtaý júıesi týraly» QR Zańy

QazAqparat qujattyń tolyq mátinin taratady.

Qazaqstan Respýblıkasynyń Zańy № 67-V QRZ

Memlekettik bilim berý jınaqtaý júıesi týraly

Osy Zań Memlekettik bilim berý jınaqtaý júıesi jumys isteıtin saladaǵy qoǵamdyq qatynastardy, sondaı-aq ony memlekettik yntalandyrý sharttaryn, nysandaryn jáne mazmunyn retteıdi.

1-taraý. JALPYEREJELER

1-bap. OsyZańdapaıdalanylatynnegizgiuǵymdar

Osy Zańda mynadaı negizgi uǵymdar paıdalanylady:

1) bilim berý jınaqtaý salymy - salymshynyń nemese engizýshilerdiń jarnalaryn, kapıtaldandyrylǵan qatysý­shy bank syıaqysy men memleket syılyqaqysyn qamtıtyn, salymshynyń qatysýshy bank shotyndaǵy aqshasy;

2) bilim berý jınaqtaý salymy boıynsha memleket syı­lyqaqysy (budan ári - memleket syılyqaqysy) - bilim berý jınaqtaý salymynyń naqty jınaqtalǵan qaldyǵyna bıýdjet qarajaty esebinen jyl saıyn belgilengen merzimde tólenetin aqsha;

3) bilim berý jınaqtaý salymy týraly shart (budan ári - salym sharty) - salymshy qatysýshy bankpen jasasqan, bi­lim berý qyzmetterine aqy tóleý úshin qarajat jınaqtaýǵa arnalǵan banktik salym sharty;

4) bilim berý jınaqtaý salymy týraly sharttardyń biryńǵaı tizilimi - operator memleket syılyqaqysyn esepke jazatyn salym sharttaryn tirkeýdiń biryńǵaı bazasy;

5) bilim berý qyzmetteri - bilim berý uıymynyń bilim alý­­shyǵa jeke adamnyń bilim alý qajettilikterin iske asyrý­ǵa jáne bilim berý baǵdarla­malaryn meńgerýge baǵyt­talǵan qyzmetter kórsetý jónindegi qyzmeti;

6) bilim berý salasyndaǵy ýákiletti organ - bilim berý sa­la­syndaǵy basshylyqty jáne salaaralyq úılestirýdi júzege asyratyn Qazaqstan Respýblıkasynyń ortalyq atqarýshy organy;

7) bilim berý uıymy - Qazaqstan Respýblıkasynyń aýmaǵynda qurylǵan jáne áreket etetin, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi (magıstratýra) bilim berý baǵdarla­malaryn iske asyratyn zańdy tulǵa;

8) engizýshi - salymshynyń paıdasyna bilim berý jınaqtaý salymyna jarna salýdy júzege asyratyn Qazaq­stan Respýblıkasynyń rezıdenti nemese rezıdenti emesi;

9) kredıtor - banktik qaryz operatsııalaryn júrgizýge lıtsenzııasy bar jáne memleket ýákilettik bergen uıymnyń kepildigimen bilim berý kredıtterin usyný týraly kelisim jasasqan Qazaqstan Respýblıkasynyń ekinshi deńgeıdegi banki;

10) kredıttik jeli - qaryz alýshyǵa kredıtordyń bilim berý kredıti shartynda aıqyndalǵan ýaqyt ishinde kelisilgen lımıt sheginde oǵan aqsha berý jónindegi zańdy túrde resimdelgen mindettemesin usyný;

11) qaryz alýshy - bilim berý qyzmetterine aqy tóleý úshin jetpeıtin somaǵa kredıtormen bilim berý kredıti shartyn jasasqan salymshy;

12) qatysýshy bank - osy Zańda belgilengen talaptarǵa saı keletin jáne Memlekettik bilim berý jınaqtaý júıesi salasyndaǵy operatormen Memlekettik bilim berý jınaqtaý júıesi salasyndaǵy yntymaqtastyq týraly kelisim jasasqan Qazaqstan Respýblıkasynyń ekinshi deńgeıdegi banki;

13) Memlekettik bilim berý jınaqtaý júıesi - Qazaq­stan Respýblıkasynyń zańnamasymen retteletin jáne qa­tysýshy bankterdiń halyqtyń salymdaryn tartýyna jáne olarǵa syıaqylar men memleket syılyqaqylaryn esepke jazýǵa negizdelgen, bilim berý qyzmetterine aqy tóleýge arnalǵan aqshalaı jınaqtar júıesi;

14) Memlekettik bilim berý jınaqtaý júıesi sala­syndaǵy operator (budan ári - operator) - Qazaqstan Respýblıkasy Úkimetiniń sheshimimen aıqyndalatyn, Mem­lekettik bilim berý jınaqtaý júıesi qatysýshylarynyń qyz­metin úılestirýdi júzege asyratyn jáne onyń Qazaqstan Respýblıkasy zańnamasynda kózdelgen shekte jumys isteýin qamtamasyz etetin uıym;

15) Memlekettik bilim berý jınaqtaý júıesi salasyn­daǵy yntymaq­tastyq týraly kelisim (budan ári - yntymaq­tastyq týraly kelisim) - Memlekettik bilim berý jınaqtaý júıesin iske asyrý sheńberinde operator men qatysýshy bank nemese operator men bilim berý uıymy arasyndaǵy olar­dyń ózara is-qımylynyń sharttary men tártibin belgi­leıtin kelisim;

16) salymshy - salym shartynyń tarapy bolyp tabylatyn Qazaqstan Respýblıkasynyń azamaty.

2-bap. Qazaqstan Respýblıkasynyń Memlekettik bilim berý jınaqtaý júıesi týraly zańnamasy

1. Qazaqstan Respýblıkasynyń Memlekettik bilim berý jınaqtaý júıesi týraly zańnamasy Qazaqstan Respýblı­kasynyń Konstıtýtsııasyna negizdeledi jáne osy Zań men Qazaqstan Respýblıkasynyń ózge de normatıvtik quqyqtyq aktilerinen turady.

2. Eger Qazaqstan Respýblıkasy ratıfıkatsııalaǵan halyq^­aralyq shartta osy Zańda kózdelgennen ózge qaǵıdalar belgilense, onda halyqaralyq sharttyń qaǵıdalary qolda­nylady.

3-bap. Memlekettik bilim berý jınaqtaý júıesi salasyndaǵy memlekettik retteýdiń negizgi qaǵıdattary

Memlekettik bilim berý jınaqtaý júıesi salasyndaǵy memlekettik retteýdiń negizgi qaǵıdattary:

1) zańdylyq;

2) jarııalylyq;

3) bilim berý jınaqtaý salymynyń nysanaly maqsaty;

4) azamattar men qatysýshy bankterdiń Memlekettik bilim berý jınaqtaý júıesine qatysýǵa qosylýynyń erik­tiligi;

5) halyqtyń Memlekettik bilim berý jınaqtaý júıesine qatysýyn memlekettik kótermeleý bolyp tabylady.

4-bap. Bilim berý salasyndaǵy ýákiletti organnyń quzyreti

Bilim berý salasyndaǵy ýákiletti organ:

1) jyl saıyn bilim berý uıymdarynyń úlgileri boıynsha oqytýdyń ortasha qunynyń uzaq merzimdi boljamdaryn ázirleıdi;

2) bilim berý uıymymen yntymaqtastyq týraly úlgilik kelisimniń nysanyn bekitedi;

3) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady.

5-bap. Memlekettik bilim berý jınaqtaý júıesiniń jumys isteýiniń quqyqtyq negizderi

1. Osy Zańnyń 11-babynyń 7-tarmaǵynda kózdelgen jaǵdaıdy qos­paǵanda,Memlekettik bilim berý jınaqtaý júıesi Qazaqstan Respýblıkasynda tehnıkalyq jáne kásip­tik, orta bilimnen keıingi, joǵary jáne joǵary oqý ornynan keıingi (magıstratýra) bilim berý baǵdarlamalary boıynsha bilim alýǵa qoldanylady.

2. Salymshy, qatysýshy bank, engizýshi, operator, bilim berý uıymy, bilim berý salasyndaǵy ýákiletti organ Mem­lekettik bilim berý jınaqtaý júıesine qatysýshylar bolyp tabylady.

6-bap. Operatordyń fýnktsııalary

Operator:

1) qatysýshy bankpen yntymaqtastyq týraly kelisim jasasady;

2) bilim berý uıymymen yntymaqtastyq týraly kelisim jasasady;

3) qatysýshy bankten, bilim berý uıymynan jáne salymshydan salym shartyn jasasýǵa, onyń qoldanysyna, mem­leket syılyqaqysyn esepke jazý­ǵa, bilim berý qyzmet­te­riniń quny men tólemine, bilim alýshynyń mártebesine qatysty qajetti málimetterdi suratady;

4) jasasylǵan salym shartyn tirkeýdi júzege asyrady jáne esepke alýdy júrgizedi;

5) qatysýshy bankten salymshyny sheteldik bilim berý uıymyna qabyldaý jáne salymshynyń jınaqtalǵan qara­jatyn sheteldik bilim berý uıymyna aýdarý týraly rastaıtyn qujattardy alǵannan keıin salym shartyn bilim berý jınaqtaý salymy týraly sharttardyń biryńǵaı tiziliminen alyp tastaıdy jáne ol boıynsha memleket syılyqaqysyn esepke jazýdy toqtatady;

6) buqaralyq aqparat quraldarynda Memlekettik bilim berý jınaqtaý júıesine qatysý úshin osy Zańda qoıylatyn talaptardy qatysýshy banktiń oryndaýy týraly málimet­terdi jylyna eki ret jarııalaıdy;

7) bilim berý jınaqtaý salymyna esepke jatqyzylýǵa tıis memleket syılyqaqysy somasyn esepteýdi júzege asyrady jáne ony qatysýshy bankke usynady;

8) qatysýshy banktiń bilim berý jınaqtaý salymdaryna memleket syı­lyqaqylary somalaryn esepke jatqyzý mer­zim­derin saqtaýyna monıto­rıngti júzege asyrady;

9) osy Zańnyń 14-babynda kózdelgen jaǵdaılarda memleket syı­lyqaqysynyń esepke jazylýyn qaıta esepteýdi júrgizedi;

10) bıýdjetke qaıtarylýǵa jatatyn memleket syılyq­aqysy somasynyń mólsheri týraly anyqtamany-úzindi kó­shir­meni salymshyǵa, qatysýshy bankke nemese bilim berý uıy­­myna beredi;

11) qatysýshy banktiń nemese bilim berý uıymynyń mem^­­leket syılyq­aqy­sy somasyn bıýdjetke tolyq jáne ýaqy­tyly qaıtarýyn qamtamasyz etedi;

12) salymshynyń, qatysýshy banktiń, bilim berý uıy­my­nyń osy Zańda jáne (nemese) yntymaqtastyq týraly ke­li­­simde qoıylatyn talaptardy buzýy anyqtalǵan jaǵdaı­da, olardy Qazaqstan Respýblıkasynyń zańdaryn­da belgi­len­gen tártippen jaýaptylyqqa tartý úshin sharalar qolda­na­dy;

13) qatysýshy bank osy Zańnyń 15-babynyń 2-tarma­ǵynda qoıylatyn talaptardy oryndamaǵan jaǵdaıda, qa­tysý­shy bankpen yntymaqtastyq týraly kelisimdi birjaqty tártippen buzady, sondaı-aq salymshylardyń aqshasyn sa­lym­shynyńtańdaýy boıynsha basqa qatysýshy bankke aýdarýdy talap etedi;

14) salymshynyń Qazaqstan Respýblıkasynyń azamat­ty­ǵy­nan aıyrylý faktisi anyqtalǵan jaǵdaıda, salymshymen salym shartyn buzý qajettigi týraly qatysýshy bankti habardar etedi.

2-taraý. SALYM ShARTY

7-bap. Salym sharty

1. Salym sharty Qazaqstan Respýblıkasynyń Úkimeti bekitken úlgilik shart negizinde qatysýshy bank pen salymshy arasynda qarapaıym jazbasha nysanda jasalady.

Qatysýshy bank pen kámeletke tolmaǵan salymshy ara­syn­daǵy salym sharty Qazaqstan Respýblıkasynyń azamat­tyq jáne bank zańnamasynda kózdelgen tártippen jasalady.

2. Salym sharty keminde úsh jyl merzimge jasalady.

3. Qoldanylý merzimi ótkennen keıin salym sharty:

1) eger taraptardyń birde-biri sharttyń qoldanylýyn toqtatýǵa nıet bildirmese, onyń qoldanylý merzimine avtomatty túrde uzartylady;

2) taraptardyń kelisimimen ózge merzimge uzartylady;

3) aqsha qaldyǵy aýdaryla otyryp, salymshynyń tańdaýy boıynsha basqa qatysýshy bankpen jasalýy múmkin.

8-bap. Salym shartynyń talaptary

1. Salym shartynda mynadaı málimetter qamtylýǵa tıis:

1) sharttyń nysanasy;

2) bastapqy birjolǵy jarna mólsheri;

3) sharttyń qoldanylý merzimi;

4) qatysýshy bank syıaqysynyń mólsheri jáne ony tóleý tártibi;

5) memleket syılyqaqysynyń osy Zańda belgilengen mólsheri;

6) taraptardyń quqyqtary men mindetteri;

7) salymshynyń operatorǵa bank qupııasyn ashýǵa jazbasha kelisimi;

8) taraptardyń jaýaptylyǵy;

9) shartty buzý talaptary;

10) Qazaqstan Respýblıkasynyń zańnamalyq aktilerine sáıkes ózge de erejeler.

2. Bilim berý jınaqtaý salymy teńgemen ashylady.

3. Bilim berý jınaqtaý salymyn ashý úshin bastapqy eń tómengi birjolǵy jarna respýblıkalyq bıýdjet týraly zańda tıisti qarjy jylyna belgilengen aılyq eseptik kórsetkishtiń úsh eselengen mólsherin quraıdy.

4. Qatysýshy bank salym shartyn jasasqan kezde bilim berý jınaqtaý salymyna qosymsha jarnalardy salýdyń usynylatyn kezeńdiligin jáne olardyń mólsherin esepteıdi.

5. Salymshynyń shotyna Qazaqstan Respýblıkasynyń bank zańnama­syna sáıkes úshinshi tulǵalardan jarnalar salynýy múmkin.

9-bap. Salym shartyn tirkeý

1. Salym sharttary osy Zańnyń 12-babyna sáıkes memleket syılyqaqysy esepke jazylatyn bilim berý jınaqtaý salymdaryn esepke alý úshin bilim berý jınaqtaý salymy týraly sharttardyń biryńǵaı tiziliminde tirkelýge jatady.

2. Operator qatysýshy bank usynǵan salym sharttaryn tirkeýdi bilim berý jınaqtaý salymy týraly sharttardyń biryńǵaı tizilimine málimetterdi engizý jáne tirkeý nómirin berý arqyly júzege asyrady.

3. Osy Zańnyń talaptaryna sáıkes keletin, qatysýshy bank usynǵan salym sharttary tirkelýge jatady. Salym­shy­nyń operatorda tirkelgen salym sharty bolǵan kezde, salym sharty tirkelýge jatpaıdy.

10-bap. Qatysýshy bank syıaqysy

1. Qatysýshy bank aı saıyn kapıtaldandyra otyryp,salymshyǵa salym shartynda aıqyndalǵan mólsherde salym somasyna syıaqy tóleıdi.

2. Qatysýshy bank syıaqysy salym sharty qoldany­latyn merzim boıyna esepke jazylady jáne bilim berý jı­naq­taý salymynyń negizgi somasyna qosylady (kapıtaldandyrylady).

11-bap. Bilim berý jınaqtaý salymyna ıelik etý

1. Memlekettik bilim berý jınaqtaý júıesi sheńberinde salymshy ne Qazaqstan Respýblıkasynyń azamattyq zańna­ma­synda belgilengen tártippen jáne jaǵdaılarda onyń zań­dy ókili bilim berý jınaqtaý salymynyń aqshasyn bir qa­tysý­shy bankten basqa qatysýshy bankke tolyq kólemde jylyna bir ret qana aýdarýdy júzege asyrýǵa quqyly.

2. Salymshyǵa bilim berý granty berilgen jaǵdaıda, salymshy ne Qazaqstan Respýblıkasynyń azamattyq zańnama­synda belgilengen tártippen jáne jaǵdaılarda onyń zańdy ókili:

1) bilim berý jınaqtaý salymyna qarajat jınaqtaýdy jalǵastyrýǵa;

2) bilim berý jınaqtaý salymynyń qarajatyn Qa­zaqstan Respýblıkasynyń azamaty bolyp tabylatyn úshinshi tulǵanyń paıdasyna ashylǵan (ashylatyn) bilim berý jı­naq­taý salymyna aýdarýǵa;

3) bilimniń basqa deńgeılerin alý maqsatynda bilim berý jınaqtaý salymynyń qarajatyn bilim berý qyzmetterine aqy tóleýge jumsaýǵa;

4) bilim berý jınaqtaý salymynyń qarajatyn qatysý­shy banktiń kapıtaldandyrylǵan syıaqysymen jáne esepke jazylǵan memleket syı­lyqa­qysymen qosa alýǵa quqyly.

3. Bilim berý uıymyna sharttyq negizde túsken kezde bilim berý qyzmetterine aqy salymshynyń ne Qazaqstan Respýblıkasynyń azamattyq zańnamasynda belgilengen tár­tip­pen jáne jaǵdaılarda onyń zańdy ókiliniń ótinishi boıynsha bóliktermen (árbir akademııalyq kezeń nemese oqý jy­ly úshin) nemese tolyq kólemde bir mezgilde (barlyq oqý merzimi úshin) tólenedi.

4. Salymshy qaza bolǵan, sot ony áreketke qabiletsiz, habarsyz ketken dep tanyǵan, ne qaıtys boldy dep ja­rııalaǵan nemese ol densaýlyq jaǵdaıyna baılanysty oq­ýyn jalǵastyrýǵa qabileti bolmaǵan jaǵdaıda, bilim berý jınaqtaý salymyn:

1) salymshy ne Qazaqstan Respýblıkasynyń azamattyq zańnamasynda belgilengen tártippen jáne jaǵdaılarda onyń zańdy ókili nemese onyń muragerleri kez kelgen úshin­shi tulǵanyń paıdasyna ashylǵan (ashylatyn) bilim berý jınaqtaý salymyna jiberedi (qaıta resimdeý);

2) ol memleket syılyqaqysy saqtala otyryp, salym­shyǵa ne Qazaqstan Respýblıkasynyń azamattyq zańnama­synda belgilengen tártippen jáne jaǵdaılarda onyń zańdy ókiline nemese onyń muragerlerine salym shartyn buzý talaptary boıynsha tólenedi.

5. Barlyq oqý kezeńi úshin bilim berý qyzmetterine aqy tólengennen keıin bilim berý jınaqtaý salymynda qarajat qalǵan kezde salymshy ne Qazaqstan Respýblıkasynyń aza­mat­tyq zańnamasynda belgilengen tártippen jáne jaǵdaı­larda onyń zańdy ókili osy somany esepke jazylǵan memleket syılyqaqysymen qosa alýǵa quqyly.

6. Salymshy ne Qazaqstan Respýblıkasynyń azamattyq zańnamasynda belgilengen tártippen jáne jaǵdaılarda onyń zańdy ókili jınaqtalǵan qarajat somasyn esepke jazylǵan memleket syılyqaqysymen qosa Qazaqstan Res­pýb­lı­kasynyń azamaty bolyp tabylatyn úshinshi tulǵanyń bilim berý jınaqtaý salymy týraly sharttardyń biryńǵaı tiziliminde tirkelgen salymyna aýdarýǵa quqyly.

7. Salymshy sheteldik bilim berý uıymyna túsken jaǵdaıda, salymshy ne Qazaqstan Respýblıkasynyń azamat­tyq zańnamasynda belgilengen tártippen jáne jaǵdaılarda onyń zańdy ókili salymshyny sheteldik bilim berý uıymyna qabyldaý týraly rastaıtyn qujattar usynylǵan kezde, esep­ke jazylǵan memleket syılyqaqysy men qatysýshy bank syıaqysy eskerile otyryp, salymshynyń jınaqtal­ǵan qarajatynan oqýǵa aqy tóleýge quqyly. Bul rette, keıinnen qarajat sheteldik bilim berý uıymyna aýdarylǵan kezden bastap memleket syılyqaqysynyń esepke jazylýy toqtatylady.

3-taraý. MEMLEKET SYILYQAQYSYN ESEPKE JAZÝ,
TÓLEÝ JÁNE QAITARÝ

12-bap. Memleket syılyqaqysy

1. Memleket syılyqaqysy tirkelgen salym sharty boıynsha jıyrma jyldan aspaıtyn merzimge esepke jazylady.

2. Memleket syılyqaqysyn esepke jazý jınaqtaýdyń eń qysqa merzimi bir jyl bolǵan kezde jyl saıyn 1 qań­tardaǵy jaǵdaı boıynsha salym soma­synyń naqty jınaq­talǵan qaldyǵyna júzege asyrylady. Memleket syılyqa^­qysy sharttyń qoldanylý merzimine esepke jazylady.

3. Memleket syılyqaqysy salymnyń negizgi somasyna qosylady (kapıtaldandyrylady).

4. Memleket syılyqaqysynyń esepke jazylýy:

1) osy baptyń 1-tarmaǵynda belgilengen esepke jazý merzimi ótken jaǵdaıda;

2) salym shartynyń qoldanylý merzimi ótken jaǵdaıda;

3) salymshy qaza bolǵan, sottyń ony áreketke qabilet­siz, habarsyz ketken dep taný týraly sheshimi zańdy kúshine engen, ne ony qaıtys boldy dep jarııalaǵan kúnnen bastap toqtatylady.

5. Memleket syılyqaqysy Qazaqstan Respýblıkasynyń Úkimeti bekit­ken memleket syılyqaqysyn esepteý ádiste­mesine sáıkes esepteledi.

13-bap. Memleket syılyqaqysynyń mólsheri

1. Memleket syılyqaqysy bilim berý jınaqtaý saly­my­nyń somasyna jyldyq bes paıyz, biraq respýblıkalyq bıýdjet týraly zańda tıisti qarjy jylyna belgilengen aı­lyq eseptik kórsetkishtiń bir júz eselengen mólsherinen aspaıtyn mólsherde esepke jazylady.

2. Memleket syılyqaqysy mynadaı basym sanatqa jatqyzylǵan salymshylardyń paıdasyna ashylǵan bilim berý jınaqtaý salymdary boıynsha jyldyq jeti paıyz, biraq respýblıkalyq bıýdjet týraly zańda tıisti qarjy jy­lyna belgilengen aılyq eseptik kórsetkishtiń bir júz ese­lengen mólsherinen aspaıtyn mólsherde:

1) jetim balalarǵa jáne ata-anasynyń qamqorlyǵynsyz qalǵan, onyń ishinde kámeletke tolǵan balalarǵa, biraq ári ketkende jıyrma úsh jasqa tolǵanǵa deıin;

2) múgedekterge;

3) birge turatyn tórt jáne odan kóp kámeletke tolmaǵan balalary, onyń ishinde orta, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi (magıstratýra) bilim berý uıymdarynda kúndizgi oqý nysanynda bilim alatyn balalary bar kóp balaly otbasylardan shyqqan balalarǵa olar kámeletke tolǵannan keıin oqý ornyn bitiretin ýaqytqa deıin, biraq ári ketkende jıyrma úsh jasqa tolǵanǵa deıin;

4) jan basyna shaqqandaǵy ortasha tabysy azyq-túlik sebetiniń qunynan tómen otbasylardan shyqqan balalarǵa esepke jazylady.

3. Osy baptyń 2-tarmaǵynyń 1) jáne 2) tarmaqshala­rynda atalǵan salymshylardyń jyldyq jeti paıyz mól­sherinde memleket syılyqaqysyn alý quqyǵyn operator ha­lyq­ty áleýmettik qorǵaý salasyndaǵy ýákiletti organnan esep­­ke jazylǵan jyldan keıingi jyldyń 1 qańtaryndaǵy jaǵ­daı boıynsha qajetti málimetterdi alý arqyly jyl sa­ıyn rastaıdy.

Osy baptyń 2-tarmaǵynyń 3) jáne 4) tarmaqshalarynda atalǵan salymshylardyń jyldyq jeti paıyz mólsherinde memleket syılyqaqysyn alý quqyǵyn operator halyqty áleý­mettik qorǵaý salasyndaǵy ýákiletti organnan rastal­ǵan toqsannan keıingi toqsannyń 1-kúnindegi jaǵdaı boıynsha qajetti málimetterdi alý arqyly toqsan saıyn rastaıdy.

Jyldyq jeti paıyz mólsherinde memleket syılyqa­qysy tıisti jylda salymshynyń basym sanatqa jatqyzyl­ýy rastalatyn aılarǵa esepke jazylady.

4. Bilim berý salasyndaǵy ýákiletti organ men bıýd­jet­tik josparlaý jónindegi ýákiletti organ jyl saıyn Qazaq­stan Respýblıkasynyń zańnamasynda belgilengen tár­tippen memleket syılyqaqysyn ınflıatsııa deńgeıinen tómen emes mólsherde ulǵaıtý týraly usynystar engizedi.

14-bap. Memleket syılyqaqysyn bıýdjetke qaıtarý

1. Esepke jazylǵan memleket syılyqaqysy:

1) nysanaly maqsaty saqtalmaı, salym sharty salym­shy­nyń bastamasy boıynsha buzylǵan nemese merziminiń ótýine baılanysty salym sharty boıynsha mindettemeler toqtatylǵan;

2) salymshynyń bilim berý uıymynan shyǵarylǵan kúninen bastap kúntizbelik úsh jyl ótken;

3) jınaqtaý merzimi osy Zańda belgilengen merzimnen az bolǵan kezde memleket syılyqaqysyn tóleý faktisi anyq­talǵan;

4) salymshy Qazaqstan Respýblıkasynyń azamattyǵyn joǵaltqan jaǵ­daı^­larda bıýdjetke qaıtarylýǵa tıis.

2. Memleket syılyqaqysyn bıýdjetke qaıtarýdy qa­tysý­shy bank operator arqyly, onyń bıýdjetke qaıtarylý­ǵa jatatyn memleket syılyqaqysy somasynyń mólsheri týraly anyqtama-úzindi kóshirmesi boıynsha, operatordan anyq­­­ta­ma-úzindi kóshirmeni qatysýshy bank alǵan kúnnen bastap banktik úsh kún ishinde:

1) osy baptyń 1-tarmaǵynyń 1), 2) jáne 3) tarmaqsha­larynda kózdelgen negizder boıynsha esepke jazylǵan memleket syılyqaqysynyń somasy tolyq kólemde;

2) osy baptyń 1-tarmaǵynyń 4) tarmaqshasynda kózdelgen negiz boıynsha Qazaqstan Respýblıkasynyń Úki­me­ti bekitken memleket syılyqaqysyn esepteý ádistemesine sáıkes bilim berý qyzmetterine jumsalmaǵan soma bóliginde júzege asyrady.

3. Salymshy bilim berý uıymynan shyǵarylǵan kezde, bilim berý qyz­metterine jumsalmaǵan somany bilim berý uıymy oqýdan shyǵarý týraly buıryq shyqqan kúnnen bastap úsh jumys kúni ishinde salymshynyń bilim berý jınaqtaý salymyna aýdarýǵa tıis.

4-taraý. MEMLEKETTІK BІLІM BERÝ JINAQTAÝ JÚIESINE QATYSÝShYLARDYŃ ÓZARA ІS-QIMYLY

15-bap. Yntymaqtastyq týraly kelisim

1. Memlekettik bilim berý jınaqtaý júıesine qatysý úshin qatysýshy bank Qazaqstan Respýblıkasynyń Úkimeti bekitken yntymaqtastyq týraly úlgilik kelisim negizinde operatormen yntymaqtastyq týraly kelisim jasasady.

2. Qatysýshy bankterge mynadaı talaptar qoıylady:

1) Qazaqstan Respýblıkasy Ulttyq Bankiniń depozıtter qabyldaýǵa, jeke tulǵalardyń bank shottaryn ashýǵa jáne júrgizýge, kassalyq operatsııalardy júrgizýge arnalǵan lıtsenzııalarynyń bolýy;

2) depozıtterge mindetti kepildik berý júıesine qatysý;

3) oblys ortalyqtarynda, astanada jáne respýblıka­lyq mańyzy bar qalalarda fılıaldardyń bolýy;

4) yntymaqtastyq týraly kelisim jasasý (qaıta jasasý) kezinde Qazaqstan Respýblıkasynyń Ulttyq Banki qoldan­ǵan kúshi bar shekteýli yqpal etý sharasynyń jáne (nemese) sanktsııasynyń bolmaýy.

3. Operator bilim berý qyzmetterine aqy tóleý bilim berý jınaqtaý salymynyń qarajaty esebinen júzege asyrylatyn bilim berý uıymymen yntymaqtastyq týraly bekitil­gen úlgilik kelisim negizinde yntymaqtastyq týraly kelisim jasasady.

4. Yntymaqtastyq týraly kelisimde nysanasy, tarap­tar­dyń quqyqtary men mindetteri, olardyń ózara is-qımy­lynyń sharttary, tártibi jáne jaýapkershiligi qamtylýǵa tıis.

16-bap. Memlekettik bilim berý jınaqtaý júıesine qatysýshylar­dyń salym shartyn jasasý jáne onyń qoldanylýy kezindegi ózara is-qımyly

1. Salym shartyn jasasý kezinde qatysýshy bank salymshynyń osy Zańda belgilengen talaptarǵa saı kele­tindigin, sondaı-aq salymshynyń atyna ashylǵan qoldanys­taǵy salym shartynyń joqtyǵyn tekseredi.

2. Árbir salym sharty boıynsha qatysýshy bank ynty­maqtastyq týraly kelisimde belgilengen merzimderde jáne tártippen operatorǵa salymshy, shottyń jaı-kúıi, salymshy aqshasynyń qozǵalysy, memleket syılyqaqy­synyń esepke jazylýy jáne somasy týraly málimetterdi, sondaı-aq ózge de qajetti málimetterdi usynady.

3. Operator salymshylardyń Qazaqstan Respýblıkasy azamattyǵyna jatatyndyǵyn rastaý týraly málimetterdi su­ra­tady, al qujattandyrý jáne pasporttar men jeke kýá­lik­terdi berý jónindegi ýákiletti organ jyl saıyn 1 qańtar­ǵa qaraı olardy usynady.

17-bap. Memlekettik bilim berý jınaqtaý júıesine qatysý­shylar­dyń memleket syılyqaqysyn esepteý jáne esepke jazý kezindegi ózara is-qımyly

1. Operator jyl saıyn aǵymdaǵy jylǵy 1 sáýirge de­ıingi merzimde qatysýshy bankterdiń salym sharttary boıynsha usynǵan málimetteriniń negizinde bilim berý salasyn­daǵy ýákiletti organǵa aldaǵy qarjy jylyna arnalǵan memleket syılyqaqylaryn esepke jazýdyń boljamdy esepteý­lerin usynady.

2. Esepti jyldyń qorytyndylary boıynsha operator halyqty áleýmettik qorǵaý salasyndaǵy ýákiletti organ men qujattandyrý jáne pasporttar men jeke kýálikterdi berý jónindegi ýákiletti organnan qajetti málimetterdi alǵannan keıin,esepti jyldan keıingi jyldyń 15-qańtaryna deıin bilim berý salasyndaǵy ýákiletti organǵa memleket syı­lyqaqy­­­la­rynyń túpkilikti esepteýin usynady.

3. Bilim berý salasyndaǵy ýákiletti organ operatordan memleket syı­lyqaqylary somasynyń túpkilikti esepteýin alǵannan keıin esepti jyldan keıingi jyldyń 15 aqpanyna deıin operatordyń shotyna memleket syı­lyqaqylarynyń jalpy somasyn Qazaqstan Respýblıkasynyń zańnama­synda belgilengen tártippen aýdarady.

4. Operator bilim berý salasyndaǵy ýákiletti organnan memleket syılyqaqylarynyń jalpy somasyn alǵan kúnnen bastap bes jumys kúni ishinde árbir jasasylǵan salym sharty boıynsha memleket syılyqaqy­synyń mólsheri týraly málimetterdi usyna otyryp, qatysýshy bankke memleket syılyqaqylaryn esepke jatqyzýdy júrgizedi.

5. Qatysýshy bank operatordan memleket syılyqaqy­larynyń jalpy somasyn alǵan kúnnen bastap eki jumys kúni ishinde salymshylardyń shottaryna memleket syı­lyqaqy­laryn esepke jatqyzady.

18-bap. Memlekettik bilim berý jınaqtaý júıesine qatysýshy­lardyń bilim berý qyzmetterine aqy tóleý kezindegi ózara is-qımyly

1. Bilim berý jınaqtaý salymy arqyly bilim berý qyzmetterine aqy tóleý salymshynyń ótinishi boıynsha júzege asyrylady. Bilim berý qyzmetterin kórsetý sharty­nyń kóshirmesi usynylǵan kezde qatysýshy bank bir jumys kúni ishinde qarajatty bilim berý jınaqtaý salymynan bilim berý uıymynyń bank shotyna aýdarady.

2. Oqýǵa qabyldanǵan, aýysqan, akademııalyq demalys resimdelgen, akademııalyq demalystan oralǵan, oqýǵa qaıta qabyldanǵan, bilim berý uıymynan shyǵarylǵan, onyń ishinde oqýdy bitirýge baılanysty shyǵa­rylǵan kezde, salymshy úsh jumys kúninen keshiktirilmeıtin merzimde qa­tysýshy bankke jáne operatorǵa rastaıtyn qujattardyń kóshirmelerin usynady.

3. Bilim berý uıymy:

1) salymshynyń oqýǵa qabyldanýy, aýysýy, akademııa­lyq demalysty resimdeýi, akademııalyq demalystan oralýy, oqýǵa qaıta qabyldanýy, bilim berý uıymynan shyǵarylýy, onyń ishinde oqýdy bitirýge baılanysty shyǵarylýy týraly tıisti qujattardyń kóshirmelerin jiberý arqyly olar qa­byl­danǵan kúnnen bastap úsh jumys kúninen keshiktiril­meıtin merzimde qatysýshy bankti jáne operatordy habardar etedi;

2) salymshynyń nemese qatysýshy banktiń talap etýi boıynsha qajet bolyp turǵan akademııalyq kezeńdegi oqý quny nemese anyqtama beriletin kúngi oqýdyń tolyq quny týraly anyqtama beredi;

3) operatordyń suraý salýy boıynsha bilim berý uıy­mynda bilim alatyn salymshy týraly qajetti málimetterdi usynady;

4) salymshy basqa bilim berý uıymyna aýysqan kezde, qabyldaıtyn bilim berý uıymynyń shotyna bilim berý qyzmetterine tólengen aqynyń qaldyǵyn aýdarady, bul jóninde operatordy úsh jumys kúni ishinde habardar etedi.

Bilim berý uıymy salymshynyń oqýy úshin alǵan soma men oqýdan shyǵarý týraly buıryq shyqqan kúnge naqty alynǵan bilim berý qyzmetteri qunynyń somasy arasyndaǵy aıyrma bilim berý qyzmetterine tólengen aqy qaldyǵy bolyp tabylady.

5-taraý. QORYTYNDY EREJELER

19-bap. Memlekettik bilim berý jınaqtaý júıesin memlekettik qoldaý

1. Qazaqstan Respýblıkasynyń zańnamasyna sáıkes bilim berý jınaqtaý salymy jeke tulǵalardyń depozıt­terine mindetti kepildik berý obektisi bolyp tabylady.

2. Memlekettik bilim berý jınaqtaý júıesi sheńberinde salymshy bilim berý kredıtin jeńildetilgen sharttarmen alýǵa ótinish bildirýge quqyly. Bilim berý kredıti qaryz alýshyǵa jınaqtalǵan soma oqý aqysyn tolyq kólemde tó­leý úshin qajetti somanyń kem degende elý paıyzy mól­she­rin quraǵan kezde bilim berý uıymynda oqý qunynyń ulǵaıý somasyna ony túzetý múmkindigimen qalǵan somaǵa kredı­tordyń kredıttik jeli ashýy arqyly memleket ýákilettik bergen uıymnyń júz paıyz kepildigimen beriledi.

20-bap. Osy Zańdy qoldanysqa engizý tártibi

Osy Zań alǵashqy resmı jarııalanǵanynan keıin kún­tizbelik on kún ótken soń qoldanysqa engiziledi.

Qazaqstan Respýblıkasynyń Prezıdenti N. NAZARBAEV.

Astana, Aqorda, 2013 jylǵy 14 qańtar. № 67-V QRZ