Memlekettik bilim berý jınaqtaý júıesi salymshylarynyń sany 700-ge jetti - BǴM
ASTANA. 16 qańtar. QazAqparat - Memlekettik bilim berý jınaqtaý júıesi salymshylarynyń sany 700-ge jetti. Bul týraly búgin QR Parlamenti Májilisi Áleýmettik-mádenı damý komıtetiniń keńeıtilgen otyrysynda Bilim jáne ǵylym vıtse-mınıstri Takır Balyqbaev málim etti.
Onyń aıtýynsha, memleket azamattardyń bilim alýynda jáne olardy áleýmettik qoldaýda mańyzdy sharalardy iske asyrýda. Memlekettik tapsyrys kólemi de jyl saıyn sany jaǵynan da, mólsheri jaǵynan da ulǵaıyp keledi. Máselen, 2013 jyly memlekettik tapsyrystyń jalpy sany 35 053 boldy. Ártúrli sanattaǵy azamattar úshin de joǵary oqý oryndaryna túsý kezinde jeńildikter berilgen. «Memlekettik bilim berý jınaqtaý júıesi quryldy. Osy ýaqytta salymshylardyń sany 700-den asty», - dedi ol.
Sondaı-aq vıtse-mınıstrdiń atap ótýinshe, Qazaqstanda joǵary oqý oryndaryn memlekettik attestattaýdan táýelsiz akkrıdıtteýge kóshirý júzege asyrylýda. Osyǵan oraı akkredıtteý agenttiginiń ulttyq tizimi qurylyp, onyń quramyna 6 agenttik kirgen. Onyń ekeýi qazaqstandyq bolsa, 4-eýi - sheteldik.
