Memlekettik basqarýǵa bilimdi azamattar ǵana kelýi tıis - Memleket basshysy
NUR-SULTAN. QazAqparat - QR Prezıdenti Qasym-Jomart Toqaev memlekettik basqarý júıesine kadrlardy irikteý ustanymdary jóninde aıtyp berdi, dep habarlaıdy QazAqparat tilshisi.
«Qoǵamnyń saıası ózgerýi jalǵasa beredi. Saıası qondyrmalar tereń ekonomıkalyq ózgeristerge negizdelýi tıis. Áıtpese, reformalar turalap qalýy múmkin», - dedi Prezıdent.
Onyń aıtýynsha, muny álemdik tájirıbeden anyq baıqaýǵa bolady.
«Memlekettik basqarý júıesine tek qana laıyqty, bilimdi azamattar ádil báseke negizinde kelýi tıis. Kadrlardy irikteýdiń ózge ustanymy bolmaýy tıis. Jalpy bıliktiń halyq aldyndaǵy jaýapkershiligin arttyrý mindeti tur», - dedi Q. Toqaev.
Sonymen birge, Prezıdent azamattyq qoǵamdy damytýǵa erekshe kóńil bólinetinin jetkizdi.
