Memlekettik basqarýdyń jańa modeli joǵary nátıje beredi – ázerbaıjandyq sarapshy

BAKÝ. QazAqparat – Prezıdent Qasym-Jomart Toqaevtyń Qazaqstan halqyna Joldaýynda memlekettik bıliktiń qysyltaıań jaǵdaılardaǵy ońtaılylyǵyn, koronavırýs qarsy turý qabiletin baǵalaýǵa múmkindik beretin oı-pikirler kórinis tapty. Іndettiń keri áserin azaıtýǵa múmkindik bergen sharalar Qazaqstan bıligi úshin turǵyndardyń densaýlyǵyn qorǵaý, áleýmettik tonýsty qoldaý birinshi orynda turatyndyǵyn kórsetti. Bul pikirdi Baký halyqaralyq mýltıkýltýralızm ortalyǵynyń aǵa keńesshisi, bedeldi ázerbaıjandyq sarapshy Tofık Abbasov bildirdi, dep habarlaıdy QazAqparattyń menshikti tilshisi.

«Joldaýda el bıligi zardap shekkenderge kómek kórsetýge 450 mlrd teńgeden astam qarajat bólingeni jáne bul halyqtyń áleýmettik tonýsyn qoldaýǵa naqty kómekteskeni aıtylady. Mıllıonnan astam adamnyń azyq-túlik, turmystyq jıyntyqtaryn alyp, 550 myńnan astam otbasy «Birgemiz» qorynyń qatysýymen qarjylaı qoldaýǵa ıe bolǵany, al barlyq bastamaǵa Elbasynyń qatysýy halyq pen bılik arasyndaǵy senimniń joǵary deńgeıin kórsetedi. Pandemııaǵa baılanysty álem tereń quldyraýǵa ushyrady jáne alda bizdi qalpyna kelý kezeńi kútip tur. Bul kezeń aýyr, qıyn jáne kapıtaldy qajet etedi. Sol sebepti Qasym-Jomart Toqaev qazaqstandyqtardyń nazaryn sharýashylyq júrgizýshi sýbektilerdiń básekege qabilettilik kórsetkishterin arttyrýǵa aýdaryp otyr. Ol sondaı-aq daǵdarys ýaqytynda alǵa bastaıtyn baǵdarlamalar men oń ózgeristerdiń negizi qalanatynyn eske salady. Bul otandastarymyzdy shuǵyl ári oılastyrylǵan is-qımyl jasaýǵa shaqyrý deýge bolady», – dep atap ótti sarapshy.

Sarapshynyń pikirinshe, sońǵy ýaqytta qabyldanǵan irgeli baǵdarlamalar orasan zor reformalyq áleýetke ıe jáne olardyń oryndalýy ómir súrý sapasyn arttyrýǵa, eldiń áleýmettik-ekonomıkalyq damý kórsetkishterine áser etýi tıis.

Osylaısha, Prezıdent Qazaqstan kóptegen ulttyq jobalardyń taǵdyry sheshiletin jaýapty kezeńderdiń birine enip otyrǵanyn eske salady. Álemdik kóshbasshylar tobyna kirý úshin eldiń barlyq qajetti alǵysharttary bar. Eldiń basty resýrsy tabıǵı baılyq emes, ol – adamı kapıtal. Ony damytý úshin maqsatty túrde Elbasy jáne memlekettiń barlyq ınstıtýttary jumys isteýde.

Foto: ru.sputnik.kg