Memlekettik basqarýdyń ár deńgeıinde kedeılikti tómendetý kórsetkishi engiziledi - Toqaev
«Azamattardyń baqýattylyǵy jáne áleýmettik qamsyzdyǵy memlekettiń basty nazarynda bolýy kerek. Sanmen oıyndy qoıyp, naqty isterge kóshetin kez keldi. Memlekettik apparat kóp jaǵdaıda «ózin-ózi tıimdi jumyspen qamtýshylar», «resmı emes jumyspen qamtý» sııaqty temındermen búrkemelenýdi jaqsy kóredi.», -dedi Prezıdent.
Aıtýynsha, sonyń saldarynan kóptegen adamdar jumyssyzdyqpen betpe-bet kelip jáne áleýmettik qorǵaýsyz qalyp jatyr.
«Bul áleýemttik-eńbek salasyn sapaly jańartýdy qajet etedi. Osy maqsatpen mynadaı sharalardy qabyldaǵan jón. Halyqtyń tabysyn arttyrý baǵdarlamasyn ázirleý qajet. Jumys naqty ári ár azamatqa baǵdarlanǵan bolýy kerek. Basqarýdyń ár deńgeıinde kedeılikti tómendetýdyń naqty kórsetkishterin bekitý qajet», -dedi Qasym-Jomart Toqaev.
Eske salsaq, QR Prezıdenti Qasym-Jomart Toqaev Parlament Májilisiniń otyrysynda QR Premer-Mınıstri laýazymyna Álıhan Smaıylovtyń kandıdatýrasyn usynyp, ony Májilis qabyldady.
Prezıdent jýyqta Qazaqstandy saıası transformatsııalaý jónindegi jańa usynystaryn jarııalaıtynyn aıtqan.
Sondaı-aq, ol 7 qańtarda halyqqa jasaǵan úndeýinde Úkimetke búgingi Májilis otyrysynda naqty tapsyrmalar beretinin aıtqan edi.
«Úkimet meniń 11 qańtarda Májiliste aıtatyn sózime qatysty naqty sheshimder qabyldaýy kerek», -degen Memleket basshysy.
